ប៉ូលិសចេញមកបញ្ជាក់ ពីមូលហេតុពិតនៃការស្លា»-ប់របស់ តារាស្រីកូរ៉េ Kim Sae Ron

កម្សាន្ត៖ ជារឿងមួយដ៏រន្ធត់និងសោកស្ដាយ ក្រោយតារាសម្ដែងស្រី Kim Sae Ron ដែលមានអាយុត្រឹមតែ២៥ឆ្នាំ បានទទួលមរណភាព នៅផ្ទះរបស់នាង នាថ្ងៃទី១៦ខែកុម្ភៈកន្លងទៅ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ហេតុការណ៍ដ៏គួរឲ្យតក់ស្លុតនេះ បានកើតឡើងក្រោយមិត្តភក្តិរបស់ Sae Ron ដែលបានទៅលេងផ្ទះរបស់នាងបានរកឃើញសាកសពរបស់នាង គេងស្លាប់នៅនឹងកន្លែង ទើបនាងបានបញ្ជូនដំណឹងនេះទៅដល់ប៉ូលិស។ បន្ទាប់ពីឆ្លងកាត់ការស៉ើបអង្កេតនិងស្រាវជ្រាវយ៉ាងដិតដល់និងល្អិតល្អន់មក គេអាចសរុបបានថា Kim Sae Ron បានស្លាប់ដោយសារធ្វើអត្តឃាត ពុំមែនជាករណីឃាតកម្មនោះឡើយ នេះបើយោងតាមការចុះផ្សាយរបស់សារព័ត៌មាន Chosun ។

ប៉ូលិសបានចេញមកបញ្ជាក់ថា៖ "ពួកយើងជឿថានេះជាជម្រើសរបស់ Kim Sae Ron ដែលសម្រេចចិត្តធ្វើបែបនេះនិងជាអ្នកទទួលខុសត្រូវលើការស្លាប់របស់នាង។ ប៉ុន្តែនាងពុំបានរក្សាទុកក្រដាសមរតកអ្វីឡើយ។ "

គួរបញ្ជាក់ផងដែរថា Kim Sae Ron គឺជាតារាសម្ដែងស្រីល្បីឈ្មោះ តាំងពីក្មេងមកម៉្លេះប៉ុន្តែហេតុការណ៍ដែលនាងបានបើកឡានស្រវឹងបុកនឹងខឿនផ្លូវ បានធ្វើឲ្យអាជីពរបស់នាងហាក់ធ្លាក់ដុនដាប  និងទទួលរងការរិះគន់ពីសំណាក់ប្រជាជនកូរ៉េ រហូតនាងត្រូវគេដកចេញពីការងារនិងរឿងជាបន្តបន្ទាប់៕

ប្រភព៖: pinkvilla

• រូបភាព
• តារាកូរ៉េ