Lisa ស្លៀកពាក់សាមញ្ញអង្គុយញ៉ាំបាយ ជាមួយមិត្តប្រុស Frederic នៅបាងកក

កម្សាន្ត៖ ដូចដែលប្រិយមិត្តបានជ្រាបហើយថា Lisa គឺជាសមាជិកក្រុមចម្រៀងនារី BLACKPINK ដែលមិនត្រឹមតែលេចធ្លោក្នុងវិស័យចម្រៀងទេតែថ្មីៗនេះ នាងក៏បានបោះជំហានឈានចូលវិស័យសម្ដែង ដោយបានលេចមុខក្នុងរឿង "The White Lotus" ទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Lisa ក៏បានចូលរួមសម្ពោធរឿងនេះនៅឯទីក្រុងបាងកក ប្រទេសថៃ ផងដែរដោយបង្ហាញខ្លួនជាមួយនឹងឈុតអាវនិងសំពត់ពណ៌ផ្កាឈូកដិតនិងបួងសក់ឡើង យ៉ាងស្រស់ស្អាត មើលទៅស្រស់ស្អាតនិងថ្លៃថ្នូរបែបអភិជន។ តែអ្វីដែលគេចាប់អារម្មណ៍ខ្លាំងនោះគឺ Frederic Arnault ដែលមាមពាក្យចចាមអារ៉ាមថាជាមិត្តប្រុសរបស់នាងក៏បានមកចូលរួមកម្មវិធីនេះដែរ ដោយសារនេះជាថ្ងៃបុណ្យនៃក្ដីស្រលាញ់ស្រាប់។

នាថ្ងៃទី១៦ខែកុម្ភៈ មានការបង្ហោះរូប Lisa និង Frederic ដែលបានទៅទទួលទានអាហារជុំគ្នានាថ្ងៃទី១៤ខែកុម្ភៈជាមួយនឹងតួសម្ដែងក្នុងរឿង The White Lotus ដោយក្នុងនោះ Lisa បានអង្គុយជិត Frederic យ៉ាងស្និទ្ធស្នាល និងបានដួសអាហារឲ្យគ្នាញ៉ាំទៀតផង ដែលបង្ហាញឲ្យឃើញថា ចំណងស្នេហារវាង Lisa និង Frederic កាន់តែរឹងមាំនិងផ្អែមល្ហែម៕  

ប្រភព៖: koreaboo

• រូបភាព
• តារាថៃ
• តារាកូរ៉េ