លេងស្ទាយ៍ថ្មីមួយនេះ Selena បង្ហាញភាពស្រស់ស្អាត ហ្វេនៗសរសើរ គ្រប់គ្នា

កម្សាន្ត៖ បានធ្វើឲ្យហ្វេនៗជាច្រើន មានការចាប់អារម្មណ៍ នៅពេលដែល តារាចម្រៀងស្រី Selena Gomez បានបង្ហាញខ្លួននៅលើកម្រាលព្រំក្រហមរបស់ SAG Awards កាលពីល្ងាចថ្ងៃទី ២៣ ខែកុម្ភៈ កន្លងទៅនេះ ខណៈអ្នកគាំទ្រជាច្រើន មានការភ្ញាក់ផ្អើល ជាមួយនឹងរូបរាងដ៏លេចធ្លោ របស់នាង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Selena Gomez បានបង្ហាញខ្លួន ដោយបាន ស្លៀកពាក់​រ៉ូប​ពណ៌​ខៀវចាស់ បិទ​ស្មា​ ពេលទៅ​ចូលរួមកម្មវិធី​ ​ពាន​រង្វាន់ Screen Actors Guild Awards ឆ្នាំ ២០២៥ កាល​ពី​យប់​ថ្ងៃ​អាទិត្យ។ ការរចនានេះបានធ្វើឱ្យមើលឃើញពី រូបរាងកាយស្លីម របស់នាង ហើយបានបង្ហាញស្នាមសាក់នៅខាងក្រោយរបស់នាងយ៉ាងច្បាស់ៗ ដែលមានឃ្លាថា «ស្រឡាញ់ខ្លួនអ្នកជាមុនសិន» ដែលសរសេរជាភាសាអារ៉ាប់។ Selena ក៏បានបន្ថែមសម្រស់ ​ជាមួយ​នឹង​ការតុបតែងមុខមាត់ លាបបបូ​រមាត់​ក្រហម​ និង​គ្រឿងអលង្ការ​ពេជ្រ។

យ៉ាងណាមិញ បន្ទាប់ពី Selena បានបង្ហាញខ្លួន អ្នកគាំទ្រជាច្រើនបានពិភាក្សាអំពីរូបរាងរបស់នាង នៅលើកម្រាលព្រំក្រហម។ អ្នក​គាំទ្រ​ បាន​សម្ដែង​ការ​ភ្ញាក់​ផ្អើល​​ ចំពោះ​រាង​ស្លីម​របស់ Selena ហើយ​បាន​បញ្ចេញ​មតិសរសើរ​ថា ​នាង​មើល​ទៅ​ស្អាត​ជាង​មុន ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ