Jennifer Lopez ទិញផ្ទះថ្មី ស្អាតប្រណីត ក្រោយ »»-លែ»»-ង»»-លះ»»-គ្នា ជាមួយ អតីតស្វាមី

កម្សាន្ត៖ តារាចម្រៀងស្រី Jennifer Lopez ត្រូវបានគេរាយការណ៍ថា ទើបតែបានទិញផ្ទះធំមួយនៅ Hidden Hills, Los Angeles ដែលជាលំនៅដ្ឋានថ្មីរបស់នាង បន្ទាប់ពី នាងបានបញ្ចប់ការលែងលះ​ជាមួយងអតីតស្វាមី លោក Ben Affleck ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាម ​​TMZ បានឲ្យដឹងថា វីឡានេះត្រូវបានចុះបញ្ជីលក់ក្នុងតម្លៃ ២១ លានដុល្លារ ។ ប៉ុន្តែ​ វាមិនច្បាស់ទេថា Jennifer Lopez ចំណាយប៉ុន្មានសម្រាប់ផ្ទះមួយនេះ ប៉ុន្តែប្រភពបាននិយាយថា តារាចម្រៀងរូបនេះ ទទួលបាន កិច្ចព្រមព្រៀងដ៏អស្ចារ្យ។ 

អចលនទ្រព្យនេះ មានទំហំ ជាង ១០,០០០ ម៉ែត្រការ៉េ ជាមួយនឹង ផ្ទះធំមានទំហំ ៩៣៣ ម៉ែត្រការ៉េ។ លើសពីនេះ ក៏មាន​ផ្ទះសម្រាប់ភ្ញៀវ ឃ្លាំង ក្រោលគោ ទីលានជិះសេះ អាងហែលទឹក។ ចំណែក ខាងក្នុងផ្ទះ មានបំពាក់ដោយបរិក្ខារជាច្រើនដូចជា រោងកុន ផ្ទះបាយធំទូលាយ កន្លែងហាត់ប្រាណ ជាដើម។

Jennifer Lopez បានស្វែងរកទិញផ្ទះ អស់រយៈពេលប្រាំមួយខែមកហើយ ចាប់តាំងពី នាងបានចែកផ្លូវជាមួយ Ben Affleck កាលពីរដូវក្តៅឆ្នាំមុន។ ហើយដំណឹង​នៃ​ការ​ទិញ​ផ្ទះ​ថ្មី​របស់ Jennifer ត្រូវ​បាន​ចុះ​ផ្សាយ​ នៅ​ក្នុង​សារព័ត៌មាន​អាមេរិក​ភ្លាមៗ បន្ទាប់​ពី​ នាង​បាន​លែងលះ​គ្នា​ជា​ផ្លូវ​ការ និង​បាន​ក្លាយ​ជា​អ្នក​នៅ​លីវ​ស្រប​ច្បាប់ ​នៅ​ថ្ងៃ​ទី ២១ ខែ​កុម្ភៈ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ