ស្វាមីសាន់ឆាយ ធ្លាក់ខ្លួនដល់ថ្នាក់នេះ ក្រោយការស្លា»-ប់របស់ភរិយា

កម្សាន្ត៖ ដំណឹងមរណភាពរបស់តារាសម្ដែងស្រី Barbie Hsu ដែលយើងស្គាល់ក្នុងនាមជា "សាន់ឆាយ" ក្នុងរឿង F4 តៃវ៉ាន់ឬស្នេហាបួនដួងនោះ ពិតជាធ្វើឲ្យអ្នកគាំទ្រមានការតក់ស្លុតនិងសោកសង្រេងជាខ្លាំង ព្រោះតែនាងចាកចេញលឿនខ្លាំងពេក ដោយសារឆ្លងជំងឺផ្ដាសាយធំ រហូតបង្កទៅរលាកសួត កាលដើរលេងនៅជប៉ុន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពេលនេះពិធីបុណ្យរបស់នាងត្រូវបានធ្វើឡើងរួចហើយ ជាមួយនឹងការបញ្ចុះសពនាង ប៉ុន្តែស្ថានភាពផ្លូវចិត្តរបស់ស្វាមីនាងគឺ Dj Koo ឬ Koo Jun Yup ពិតជាដុនដាបខ្លាំងណាស់។ យោងតាមការរាយការណ៍ Koo Jun Yup នៅអាឡោះអាល័យនឹង Barbie ដល់ថ្នាក់ឈបញ៉ាំបាយទឹក ក្រោយការបាត់បង់ភរិយា។

ក្នុងនោះរូបគេបានសម្រក់ទឹកភ្នែក និងធ្លាក់ក្នុងស្ថានភាពសោកសៅ ជារៀងរាល់ថ្ងៃ និងមិនទាន់ធ្វើចិត្តទទួលយកថាភរិយាជាទីស្រលាញ់បានចាកចេញពីគេនោះឡើយ ដែលធ្វើឲ្យគេស្រកទម្ងន់យ៉ាងខ្លាំង។

ស្របគ្នានោះ Koo Jun Yup ក៏បានដកខ្លួនពីសកម្មភាពសិល្បៈនានារបស់ខ្លួននិងមិនទាន់គិតដល់ការវិលចូលសិល្បៈវិញនោះឡើយ៕

ប្រភព៖: allkpop

• រូបភាព
• តារាកូរ៉េ