Lisa បានក្លាយជាតារា Kpop ដំបូងគេដែលសម្ដែងនៅលើឆាកអូស្ការ

កម្សាន្ត៖ Lisa ដែលជាសមាជិកក្រុមចម្រៀងនារី BLACKPINK បានក្លាយទៅជាតារាចម្រៀងស្រី Kpop ដំបូងគេដែលបានសម្ដែង នៅលើឆាកពានរង្វាន់ Oscar សម្រាប់ឆ្នាំ២០២៥នេះ ដែលធ្វើឡើងនៅ The Dolby Theatre នាទីក្រុង Los Angeles រដ្ឋកាលីហ្វ័រញ៉ា នាព្រឹកថ្ងៃទី៣ខែមីនា (ត្រូវនឹងយប់ថ្ងៃទី២ខែមីនា នៅអាមេរិក)។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Lisa បានបង្ហាញខ្លួនអង្រួនអារម្មណ៍តារាសម្ដែងជាច្រើននៅក្រោមឆាក ជាមួយនឹងរ៉ូបពណ៌ខ្មៅដ៏ស្រស់ស្អាត ដោយនាងបានសម្ដែងបទ"Live and Let Die" បន្ទាប់មកទើប Doja Cat សម្ដែងបទ "Diamonds Are Forever" បញ្ចប់ដោយ Raye សម្ដែងបទ "Skyfall" មុននឹងអ្នកទាំងបីសម្ដែងរួមគ្នា។

Lisa ត្រូវបានគេចាប់អារម្មណ៍លើការតុបតែងខ្លួនដ៏ស្រស់ស្អាតរបស់នាងគឺ ការតុបតែងមុខដិតៗបែបឆ្នាសនិងលើកសក់ចងខ្ពស់ឡើង ជាមួយនឹងរ៉ូបឆែកពណ៌ខ្មៅ បែបស្រទាប់ ជាមួយនឹងស្បែកជើងកែងពណ៌ក្រហម។ ក្នុងនោះ នាងក៏បានបង្ហាញខ្លួនលើកម្រាលព្រំក្រហម Oscar 2025 ជាមួយនឹងឈុតគ្រ័រហ្សេបែបរ៉ូបយ៉ាងស្រស់ស្អាត៕

ប្រភព៖: allkpop

• រូបភាព
• តារាថៃ
• តារាអន្តរជាតិ
• តារាកូរ៉េ