ចូលរួមកម្មវិធី ជាមួយ គូស្នេហ៍ យ៉ាងផ្អែមល្ហែម តែ Kylie ត្រូវគេ»»-រិះ»»-គ»»-ន់»»- ដោយសារ ...

កម្សាន្ត៖ សេដ្ឋីនីវ័យក្មេង Kylie Jenner ត្រូវបាន រិះគន់ថា មិនមានការគោរព នៅពេលដែល នាងមិនក្រោកឈរស្វាគមន៍ តារាចម្រៀង Elton John ក្នុងកម្មវិធី Oscar កាលពីថ្ងៃទី ២ ខែមីនា កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អំឡុងពេល សម្រាកពាណិជ្ជកម្ម នៅឯពិធីប្រគល់ពានរង្វាន់ មិត្តប្រុសរបស់ Kylie Jenner លោក Timothée Chalamet បានក្រោកឈរ ស្វាគមន៍តារាចម្រៀង Elton John និង ណែនាំមិត្តស្រីរបស់ខ្លួនឱ្យបានស្គាល់។ យ៉ាងណាមិញ Kylie នៅតែអង្គុយនៅជួរមុខជំនួសឱ្យការក្រោកឈរស្វាគមន៍ តារាចម្រៀងជើងចាស់វ័យ​ ៧៧ ឆ្នាំរូបនេះ។ Elton John បាន​ឱន​ចុះ​ក្រោម​ ដើម្បី​ថើប​ដៃ អ្នកជំនួញ​វ័យ ២៧ ឆ្នាំរូបនេះ។

នៅពេល ដែលការប្រជុំតារា ត្រូវបានចែករំលែកដោយទស្សនាវដ្តី People នៅលើ Instagram ទស្សនិកជនជាច្រើន បានស្នើថា Kylie គួរតែក្រោកឈរឡើងស្វាគមន៍ Elton John ។ មនុស្សមួយចំនួន បានចោទសួរពីសីលធម៌របស់តារាស្រីរូបនេះ និងបានលើកឡើងថា នាងគួរតែក្រោកឈរដើម្បីស្វាគមន៍ តារាចម្រៀងរូបនេះ ផងដែរ។

យោងតាមគេហទំព័រ Dailymail បានឲ្យដឹងថា Kylie Jenner មិនមានបញ្ហា​ ជាមួយនឹងការស្លៀកពាក់របស់នាងទេ ព្រោះនាងនៅតែក្រោកឈរស្វាគមន៍ Monica Barbaro និង Elle Fanning ដែលជាមិត្តរួមការងារទាំងពីររបស់ Timothée ក្នុងរឿង A Complete Unknown ។ នាងក៏បានក្រោកឈរ ជជែកជាមួយតារាសម្តែង និងផលិតករភាពយន្ត Edward Norton និងភរិយា ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ