ស្វាមី សាន់ឆាយ និង អតីតស្វាមី នាង ចេញមក ជួបគ្នា ដោយសារ រឿងមួយនេះ

កម្សាន្ត៖ រយៈពេលមួយខែ​ ចាប់តាំងពីតារាសម្តែងស្រី Barbie Hsu បានទទួលមរណភាពមក បញ្ហានៃការបែងចែកមរតកដ៏ធំដែលនាងបន្សល់ទុក នៅតែមិនទាន់ត្រូវបានដោះស្រាយនៅឡើយនោះទេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាលពីថ្ងៃទី ៥ ខែមីនា យោងតាម ប្រព័ន្ធផ្សព្វផ្សាយតៃវ៉ាន់ បានបង្ហាញថា មេធាវីរបស់លោក DJ Koo ដែលជាស្វាមី និងពាណិជ្ជករ លោក Wang Xiaofei ដែលជាអតីតស្វាមី តារាស្រីរូបនេះ បានជួបពិភាក្សាគ្នា អំពីសិទ្ធិមរតក និងការទូទាត់ការប្រាក់តាមធនាគារទាក់ទងនឹងផ្ទះល្វែងតម្លៃ ៤៧០ លាន TWD (ប្រហែលជាង ១៤លានដុល្លារអាមេរិក) នៅ Taipei Xinyi ដែលបន្សល់ទុកដោយ Barbie Hsu ។ បញ្ហាដ៏ធំបំផុត នៅពេលនេះគឺថា តើអ្នកណានឹងបង់រំលោះធនាគារប្រចាំខែ ដែលមានលើសពី ១ លាន TWD (ប្រហែល ៣ម៉ឺនដុល្លារ) ។

បច្ចុប្បន្ន​ DJ Koo រស់នៅ​ក្នុង​វីឡា​នេះ ​ជាមួយ​កូន​ទាំង​ពីរ​របស់​ភរិយា រួមទាំងធាតុ របស់ Barbie Hsu ក៏ត្រូវបានរក្សាទុកនៅក្នុងផ្ទះ ផងដែរ។

យោងតាម មេធាវីម្នាក់ ប្រសិនបើ Wang Xiaofei ឬ DJ Koo មិនបង់កម្ចីទិញផ្ទះ តាមការគ្រោងទុក ធនាគារអាចរឹបអូសផ្ទះនោះ ហើយដាក់ដេញថ្លៃបាន។

កាលពីមុន ផ្ទះនេះត្រូវបានទិញក្រោមឈ្មោះ Barbie Hsu ដែលបានបង់លុយមួយផ្នែក និងបង់រំលោះជាមួយធនាគារ។ រៀងរាល់ខែ Wang Xiaofei ផ្ញើលុយចូលក្នុងគណនីនាង ដើម្បីឲ្យនាងបង់លុយឲ្យធនាគារ។ ទោះបីជាយ៉ាងណាក៏ដោយ បន្ទាប់ពី អ្នកទាំងពីរ បានលែងលះគ្នា Barbie Hsu ត្រូវដោះស្រាយបំណុលដោយខ្លួនឯង។

កាលពីចុងខែកុម្ភៈ ម្តាយរបស់ Barbie Hsu បាននិយាយថា ការបែងចែកទ្រព្យសម្បត្តិត្រូវបានដោះស្រាយដោយសន្តិវិធី និងជាឯកជន ប៉ុន្តែ មេធាវីតៃប៉ិ បានបង្ហើបថា ភាគីទាំងពីរ នៅតែស្ថិតក្នុងដំណើរការចរចា៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាចិន