Jennifer Lopez ត្រូវគេ បង្ហាញអារម្មណ៍ បែបនេះ ក្រោយ ឃើញ រូបភាព អតីតស្វាមី និង អតីតភរិយា

កម្សាន្ត៖ Jennifer Lopez ត្រូវ​បាន​គេ​និយាយ​ថា​ មាន​អារម្មណ៍​មិនសប្បាយចិត្ត ​នៅ​ពេល​ដែល​នាង​បាន​ឃើញ​រូបថត​​របស់អតីត​ស្វាមី​ ដែល​ទើប​នឹង​លែង​លះ ​គឺ​តារា​សម្ដែង Ben Affleck កំពុងស្និទ្ធស្នាលជាមួយនឹងអតីតភរិយាម្នាក់ទៀត គឺ Jennifer Garner ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ Ben Affleck និង Jennifer Garner បានចំណាយពេលច្រើនជាមួយគ្នា ដោយបានបង្ហាញ កាយវិការស្និទ្ធស្នាលរបស់ពួកគេ ដែលធ្វើឱ្យមានការសង្ស័យថា Ben ចង់ជួបជុំជាមួយនឹងអតីតភរិយារបស់ខ្លួនឡើងវិញ។ តាមរយៈប្រភព​មួយ បាន​បង្ហាញ​នៅ​លើ Page Six ថា ​រូបភាព​របស់​អ្នក​ទាំង​ពីរ​ដែលកំពុង​សើច​យ៉ាង​សប្បាយ ហើយ Ben បានឱប Garner ធ្វើ​ឱ្យ Jennifer Lopez ខឹង​និង​ច្របូកច្របល់។

យ៉ាងណាមិញ ប្រភពមួយផ្សេងទៀត បានអត្ថាធិប្បាយថា Jennifer Lopez នឹងមិនយកចិត្តទុកដាក់ខ្លាំងពេក ចំពោះទំនាក់ទំនងរបស់ Ben ជាមួយ Jennifer Garner ទេ ព្រោះបច្ចុប្បន្ន នាងកំពុងផ្តោតលើខ្សែភាពយន្តដែលនឹងចេញនាពេលខាងមុខនេះ រួមទាំងជីវិតផ្ទាល់ខ្លួនរបស់នាង។ ជាពិសេស នាងមាន​គម្រោង​ថត​ភាពយន្ត​ជា​ច្រើន​ដែល​ចេញ​នៅ​ដើម​ឆ្នាំ​នេះ ហើយ​នាង​ក៏​ទើប​តែ​ទិញ​ផ្ទះ​ថ្មី ​បន្ទាប់​ពី​លែងលះ​គ្នា ផងដែរ។

គួររំឮកផងដែរថា Jennifer Lopez និង Ben Affleck បានដាក់ពាក្យលែងលះគ្នា នៅខែសីហា ឆ្នាំ ២០២៤ ហើយបានបញ្ចប់វា នៅខែកុម្ភៈឆ្នាំនេះ៕

ប្រភព៖​ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ