ភរិយា Justin ចេញមក»»-បដិ»»-សេ»»-ដ រឿងមួយនេះ ក្រោយ គេលើកឡើង ទាក់ទងនឹង Selena

កម្សាន្ត៖ តារា​ម៉ូដែលស្រី Hailey Bieber បានបដិសេធ​ ការពីចុច ​ចូល​ចិត្ត​ ការ​បង្ហោះ TikTok បែប​អសុរោះ​​ អំពី ​Selena Gomez ដែលជាអតីតគូស្នេហ៍របស់ Justin Bieber ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្នកតំណាង​ របស់ Hailey Bieber បានចេញមកបញ្ជាក់ បន្ទាប់ពី អ្នកលេង TikTok ម្នាក់ បានអះអាងថា Hailey បានចុច "ចូលចិត្ត" ការបង្ហោះវីដេអូ TikTok ចំអក Selena Gomez និង គូដណ្តឹងរបស់នាង Benny Blanco ។

អ្នកតំណាងរបស់ Hailey បានប្រាប់ E! News នៅថ្ងៃទី ៩ ខែមីនា ថា «រឿងនេះមិនដែលកើតឡើងទេ ។ រឿងទាំងមូលនេះ គឺជាការប្រឌិតដោយអ្នកបង្កើតមាតិកា ដែលព្យាយាម ចង់ទទួលបានការចូលមើល ពីរឿងចាស់»។

កាលពីព្រឹក ថ្ងៃទី ៦ ខែមីនា អ្នកមានឥទ្ធិពលលើប្រព័ន្ធផ្សព្វផ្សាយសង្គម Courtney Presto បានបង្ហោះវីដេអូមួយនៅលើ TikTok ដោយបង្ហាញរូបថតអេក្រង់ បង្ហាញពីគណនីរបស់ Hailey Bieber ចូលចិត្តវីដេអូដែលចំអកឱ្យរូបថតរបស់ Selena និង Benny នៅក្នុងទស្សនាវដ្តី Interview ។ វីដេអូនេះ ត្រូវបានបង្ហោះកាលពីថ្ងៃទី ១៤ ខែកុម្ភៈ ដោយបានវិភាគលើរូបថតរបស់ Selena Gomez ចំអក​ ដាក់ជើងលើថ្ពាល់មិត្តប្រុសរបស់នាង ដោយសរសេរថា «ខ្ញុំពិតជាមិនអាចសម្រេចចិត្តថា មួយណាអាក្រក់បំផុត» និង «ខ្ញុំត្រូវតែមើលរូបថតទាំងនេះ ដូច្នេះអ្នកក៏ត្រូវដែរ» ។ នៅក្នុងការបង្ហោះថ្មី Courtney បាននិយាយថា Hailey Bieber "ចូលចិត្ត" វីដេអូនេះ ហើយបានលើកឡើងថា «Hailey ប្រហែលជាស្អ..ប់ Selena ខ្លាំងណាស់»។

ប៉ុន្មានឆ្នាំមកនេះ Hailey Bieber បានព្យាយាមដោះស្រាយ ពាក្យចចាមអារ៉ាម អំពីការបែកបាក់ជាមួយ Selena Gomez និងស្វាមីរបស់នាង។ Hailey ក៏​បដិសេធ​ថា​ នាងមិន​មែន​ជា​មនុស្ស​ទី​៣​ ក្នុង​ទំនាក់​ទំនង​៩ឆ្នាំ ​របស់ Justin ជាមួយ​ Selena នោះទេ៕ 

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ