Justin បង្ហាញអារម្មណ៍ បែបនេះ ក្រោយ ជួបរឿងមួយនេះ

កម្សាន្ត៖ តារាចម្រៀងប្រុស លោក Justin Bieber បានសរសេរ បង្ហាញពីអារម្មណ៍របស់ខ្លួនថា «មិនសក្តិសម និងដូចជាការក្លែងបន្លំ» នៅក្នុងការបង្ហោះ ក្នុង Instagram Story កាលពីថ្ងៃទី ១៣ ខែមីនា កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារា​ចម្រៀង​វ័យ ៣១ ឆ្នាំ​រូប​នេះ ​បាន​ទាក់​ទាញ​ចំណាប់​អារម្មណ៍ ​ជា​មួយ​នឹង​ការ​បង្ហោះពី​ខ្លួន​ឯង ដោយ​បង្ហាញ​ពី​ការ​សង្ស័យ​លើ​ខ្លួន​ឯង។ Justin បានសរសេរថា «មនុស្សតែងតែនិយាយថា Wow Justin អ្នកសមនឹងទទួលបានវា ប៉ុន្តែខ្ញុំតែងតែមានអារម្មណ៍ថា មិនសក្តិសម។ វាដូចជាខ្ញុំជាអ្នកបោកប្រាស់ នៅពេលដែលមនុស្សនិយាយថា ខ្ញុំសមនឹងទទួលបានអ្វីមួយ ខ្ញុំមានអារម្មណ៍ថា ខ្ញុំកំពុងលាក់អ្វីមួយ ប្រសិនបើពួកគេដឹងពីអ្វីដែលខ្ញុំកំពុងគិត។ ខ្ញុំមានការវិនិច្ឆ័យ និងអាត្មានិយមណាស់ ប្រសិនបើពួកគេដឹង ពួកគេមិននិយាយនោះទេ»។

តារាចម្រៀងរូបនេះ ក៏បាននិយាយថា ខ្លួនពិតជាមានអារម្មណ៍ថា គ្មានសមត្ថភាព និងមិនមានលក្ខណៈសម្បត្តិគ្រប់គ្រាន់ជាច្រើនថ្ងៃ ។ យ៉ាងណាមិញ Justin ក៏បានបញ្ចូលបទចម្រៀង Sneaky Sneaky ដោយ Gold-Tiger ទៅក្នុងសារបង្ហោះនោះ។

ថ្មីៗនេះ Justin Bieber បានចែករំលែកសារជាច្រើន ដែលឆ្លុះបញ្ចាំងពីជីវិត។ ហើយកាលពីខែកុម្ភៈ រូបលោក ក៏បានសរសេរអំពីភាពអសន្តិសុខរបស់ខ្លួន នៅលើ Instagram Stories ផងដែរ។ Justin Bieber បានធ្វើការផ្លាស់ប្តូរជាច្រើននាពេលថ្មីៗនេះ នៅពេលដែលតារាប្រុសរូបនេះបាន unfollow មិត្តភក្តិជិតស្និទ្ធជាច្រើន រួមទាំងអតីតទីប្រឹក្សា Usher និង Diddy ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ