តំបន់គ្រប់គ្រង និងការពារសត្វផ្សោតទន្លេមេគង្គ ស្ថិតនៅខេត្តក្រចេះ ទំហំជាង២ម៉ឺនហិកតា ត្រូវបានចុះបញ្ជីជាដីរដ្ឋ

ក្រសួងរៀបចំដែនដី នគរូប​នីយកម្ម​ និងសំណង់ ជាសេនាធិការ បានជំរុញ ឱ្យ​ចុះបញ្ជី​តំបន់​ការពារ​ធម្មជាតិមួយចំនួន​ជា​កម្មសិទ្ធិ​របស់រដ្ឋ ក្នុងនោះមាន ​តំបន់គ្រប់គ្រង និងការពារសត្វផ្សោត ទន្លេមេគង្គ ស្ថិតនៅខេត្តក្រចេះ មានទំហំ ២១ ៩៦៦​.៥១ ហិកតាត្រូវ បានចុះបញ្ជីជាដីរដ្ឋរួចរាល់ ។ការជំរុញដូចនេះក្នុងគោល បំណងទប់​ស្កាត់​ការទន្ទ្រាន​ដីរដ្ឋធ្វើជាកម្ម​សិទ្ធិ​ ឬទប់ស្កាត់​ការ​បំផ្លាញធនធាន ធម្មជាតិ ។

ប្រភពក្រសួង​រៀបចំដែនដី នគរូបនីយកម្ម​ និង​សំណង់​ បានឱ្យដឹងថា តំបន់គ្រប់​គ្រង​ និ​ង​កា​រ​ពា​រ​ស​​ត្វផ្សោ​ត​​ទន្លេ​មេ​គង្គ​ ត្រូវបានចុះបញ្ជីតាម បច្ចេកទេសសុរិយោដី និងច្បាប់ភូមិបាល ដោយក្រសួងរៀបចំដែនដី និងកាន់កាប់ដោយក្រសួង​កសិកម្ម រុក្ខាប្រមាញ់ និងនេសាទ ដោយ​​មា​ន​ការ​​គ្រប់​គ្រ​ងពី​ក្រ​​សួងសេដ្ឋកិច្ច និងហិរញ្ញវត្ថុ ទៅតាមច្បាប់ជាធរមាន ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រី​ក្រសួង​រៀបចំ ដែនដី នគ​រូប​នី​យ​ក​ម្ម​​ និងសំណង់ ធ្លាប់មានប្រសាសន៍​ថា កិច្ចការពារ ធម្មជាតិ​​ គឺមានសារ​សំខាន់​​ក្នុងការ​រក្សា​ធន​ធា​ន​​សម្រាប់​មនុស្សជំនាន់​ក្រោយ ព្រោះតែ​ធនធានធម្មជាតិទាំង​នេះ​បានផ្ដល់​ប្រយោជន៍​ដល់សេដ្ឋកិច្ច​កម្ពុជា​ ជាក់​ស្ដែង ​បឹងទន្លេសាប ត្រូវបានប៉ាន់​ប្រមាណថា​ បានផ្ដល់​ប្រយោជន៍​ជាសេដ្ឋកិច្ច​កម្ពុជា​ក្នុងទំហំ​ប្រមា​ណ ​២​ពាន់​​លានដុល្លារ​អាមេរិ​កក្នុងមួយឆ្នាំ ។​

ឯកឧត្តម​បន្តថា ទន្លេ​មេគង្គ​ក៏បានផ្ដល់​ប្រយោជន៍​ខ្ពស់ដល់​សេដ្ឋកិច្ច កម្ពុជា​ផងដែរ ដោយ​វា​ជា​ផ្លូវដឹកជញ្ជូន​ដ៏សំខាន់មួយ​ ផ្ដល់ជា​ប្រភព ត្រីដល់ពលរដ្ឋ ផ្ដល់ប្រភពទឹក​សម្រាប់​ពលរដ្ឋ​រស់នៅតាមដង​ទន្លេ​មេគង្គ​ក្នុងកា​រ​ស្រោច​ស្រពដំណាំ​នានា​​ជាដើម ។

បើតាមការ​បញ្ជាក់​របស់ ​ឯកឧត្តម​ សាយ សំអាល់​ ក៏បានឱ្យដឹងថា​ ការវាស់​វែងដីធ្លីមាន​លក្ខណៈ​ជា​ប្រព័ន្ធ​នៅ​ទូ​ទាំង​ប្រទេស​កម្ពុជា នឹង​ត្រូវ​បញ្ចប់​នៅអំឡុង​ខែមេសា​ ឆ្នាំ២០២៥ ពោលគឺនៅ​មុន​មកដល់ នៃពិធីបុណ្យ​ចូ​ល​ឆ្នាំ​ប្រពៃណីជាតិ​ខ្មែរ ។​ បន្ទាប់ពីនោះ ក្រុមការងារ​នឹង​ពន្លឿន​ការ​ចុះ​បញ្ជី​ដីធ្លី បិទផ្សាយ​ជាសាធារណៈ និង​ចេញ​បណ្ណជូន ពលរដ្ឋ​ឱ្យបានគ្រប់ៗគ្នា ។​ ទាក់ទង​នឹង​ការ​​អភិរក្ស​សត្វផ្សោតនៅកម្ពុជា​នេះដែរ ឯកឧត្តម នេត្រ ភក្ត្រា​ រដ្ឋ​មន្ត្រី​ក្រសួង​ព័ត៌មាន​ក៏បាន​ជំរុញ ​និងអំពាវនាវ​ឱ្យពលរដ្ឋ​ក្នុង​សហគមន៍​ក៏ដូចជា​អាជ្ញាធរមូលដ្ឋាន រួមគ្នា​ការពារ​ និងអភិរក្ស​សត្វ​ផ្សោត​ ដើម្បី​ទាក់ទាញភ្ញៀវទេសចរ​ជាតិ​ និងអន្តរជាតិមកទស្សនា​សត្វ​ផ្សោត​កាន់តែច្រើន បង្កើន​ចំណូលដល់ពលរដ្ឋ​ក្នុងមូលដ្ឋានទៀតផង៕