កម្សាន្ត៖ តារាម៉ូដែលស្រី Vittoria Ceretti ដែលត្រូវបានគេស្គាល់ថា ជាគូស្នេហ៍របស់ តារាសម្ដែងប្រុស លោក Leonardo DiCaprio បាននិយាយថា នាងមិនប្រច័ណ្ឌទេ នៅពេលដែលនាងមានទំនាក់ទំនងស្នេហាជាមួយ តារាប្រុសរូបនេះ ដែលជាបុរសដែលគួរឲ្យចង់បានបំផុតម្នាក់ នៅលើភពផែនដី។
តារាម៉ូដែល Vittoria Ceretti និយាយថា ស្នេហារបស់នាងនិង Leonardo មានចំពោះគ្នាខ្លាំង ដោយមិនខ្វល់ពីអ្វីទាំងអស់។ នាងបានចែករំលែកក្នុងទស្សនាវដ្ដី Vogue របស់បារាំងដែលបានចុះផ្សាយកាលពីថ្ងៃទី ២៤ ខែមីនា ថា «ព្រោះសេចក្ដីស្រឡាញ់ ការពារ និងផ្ដល់ទំនុកចិត្ត»។
តារាម៉ូដែលស្រីរូបនេះ បានរៀបរាប់ ពីលើកដំបូងដែលនាងបានជួបតារាហូលីវូដ លោក Leonardo ក្នុងទីក្រុង Milan។ យ៉ាងណាមិញ នាងមិនបានបង្ហើបឱ្យដឹងបន្ថែមពីស្នេហាបច្ចុប្បន្នរបស់នាងឡើយ។ Vittoria ក៏ជាអ្នកគាំទ្ររបស់ Leonardo និងខ្សែភាពយន្ត Titanic ផងដែរ បើទោះបីជា ខ្សែភាពយន្តនេះចេញមុនពេលនាងកើតក៏ដោយ។
មិនត្រឹមតែប៉ុណ្ណោះ នៅក្នុងបទសម្ភាសន៍ តារាម៉ូដែលស្រីរូបនេះ ក៏បាននិយាយដោយត្រង់ថា នាងមិនចូលចិត្ត ដែលត្រូវបានគេហៅថា «មិត្តស្រីរបស់ Leonardo DiCaprio» នោះទេ។ Vittoria ពន្យល់ថា «នៅពេលដែលអ្នកណាត់ជួបជាមួយនរណាម្នាក់ដែលល្បីជាងអ្នក អ្នកនឹងក្លាយជា មិត្តស្រីរបស់គាត់ ឬ មិត្តប្រុសរបស់គាត់ ដែលនេះហើយ អាចធ្វើឱ្យមានអារម្មណ៍មិនស្រួល»។
តារាសម្ដែង លោក Leonardo និងតារាម៉ូដែលស្រី Vittoria Ceretti បានបង្ហាញទំនាក់ទំនងរបស់ពួកគេ ជាសាធារណៈនៅក្នុងខែសីហា ឆ្នាំ ២០២៣ បន្ទាប់ពី មានពាក្យចចាមអារ៉ាមជាច្រើន ខែនៃទំនាក់ទំនងស្នេហា របស់ពួកគេ ផងដែរ៕
ប្រភព៖ Ngoisao.net
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
