ក្រុមសង្គ្រោះកំពុងសស្រាក់សស្រាំ ជួយមនុស្សចេញពីគំនរបាក់បែក ខណៈតួលេខមនុស្សស្លាប់នៅបាងកក បានឡើងដល់ទៅ...

សង្គម៖ ចំនួនអ្នកស្លាប់កើតចេញពីហេតុការណ៍រញ្ជួយដីដ៏រន្ធត់ នៅទីក្រុងបាងកក ប្រទេសថៃ បានកើនឡើងដល់១០នាក់ហើយ ខណៈក្រុមសង្គ្រោះកំពុងបន្តស្វែងរកមនុស្សដែលជាប់នៅក្នុងគំនរអគារបាក់បែកតាំងពីល្ងាចថ្ងៃទី២៨ខែមីនាឆ្នាំ២០២៥កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាលពីម្សិលមិញនាម៉ោងខ្ទង់២រសៀល ទីក្រុងបាងកកបានប្រឈមនឹងហេតុការណ៍ដ៏តក់ស្លុតគឺរញ្ជួយដី ដែលបណ្ដាលឲ្យអ្នករស់នៅទីនេះមានការភ័យខ្លាចនិងតក់ស្លុតជាខ្លាំង ដែលក្នុងនោះបានបង្កឲ្យអគារមួយមានកម្ពស់៣០ជាន់ ស្ថិតនៅតំបន់ Chatuchak បានដួលរលំទាំងស្រុង។

ភ្លាមៗបន្ទាប់ពីរញ្ជួយដីបានស្ងប់ ក្រុមសង្គ្រោះបានដុតដៃដុតជើងស្វែងរកអ្នកកប់នៅក្នុងគំនរបាក់បែក ខណៈអ្នករបួសឡើងដល់ទៅ១៦នាក់ ចំណែកមនុស្ស១០១នាក់ផ្សេងទៀត បានបាត់ខ្លួន។

ខណៈនេះ លោកស្រីនាយករដ្ឋមន្ត្រីថៃ Paetongtarn Shinawatra បានបញ្ជាក់ឲ្យដឹងថាស្ថានភាពរញ្ជួយដីនៅថៃមានសភាពថមថយហើយ ដោយលោកស្រីអនុញ្ញាតឲ្យប្រជាជនទាំងអស់វិលត្រឡប់ចូលផ្ទះវិញ៕

ប្រភព៖: nationthailand