កូនប្រសាស្រី David Beckham បង្ហាញភាពស្រស់ស្អាត ក្នុងរូបភាពថ្មី ហ្វេនៗចាប់អារម្មណ៍ គ្រប់គ្នា

កម្សាន្ត៖ អ្នកគាំទ្រជាច្រើន បានសរសើរសម្រស់របស់ភរិយា Brooklyn ដែលជាកូនប្រុសច្បងរបស់ អតីតកីឡាករបាល់ទាត់ លោក David Beckham បន្ទាប់ពី គូស្វាមីភរិយាមួយគូ បានបង្ហោះរូបថតជាច្រើនសន្លឹករបស់ពួកគេ ដែលបានជិះសេះលើឆ្នេរខ្សាច់កាលពីថ្ងៃទី ២៣ ខែមីនា កន្លងទៅ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Brooklyn Beckham និងភរិយា បានបង្ហោះរូបថតជាបន្តបន្ទាប់ ដែលចាប់ផ្តើមជាមួយនឹងពេលនៃការជិះសេះ យ៉ាងសប្បាយរីករាយ នៅឆ្នេរខ្សាច់ ដោយសរសេរសារថា «នឹងមិនបំភ្លេចថ្ងៃនេះទេ»។

យ៉ាងណាមិញ បន្ទាប់ពីបានឃើញហើយនោះ ក៏មានគណនី​មួយ​បាន​បញ្ចេញ​មតិ​សរសើរពីភាពស្រស់ស្អាត​របស់ Nicola ដែលជាភរិយារបស់​ Brooklyn ក៏ដូចសរសើរពីស្ទាយ៍រៀបចំខ្លួន យ៉ាងទាក់ទាញ របស់នាង ផងដែរ។

ជាពិសេស ក៏នៅមានមតិជាច្រើនផ្សេងទៀត បានសរសើរកូនប្រុសច្បងនៃគ្រួសារ Beckham និងភរិយា ថាជាគូស្វាមីភរិយាដ៏ស្រស់ស្អាត។ គួររំឮកផងដែរថា Brooklyn និងភរិយា បានរៀបការនៅឆ្នាំ ២០២២ បន្ទាប់ពីទាក់ទងគ្នាជិត ៣ ឆ្នាំ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ