គេសង្ស័យថា តារាប្រុសរបស់ SM រូបនេះជាអតីតមិត្តប្រុសរបស់ Rosé

កម្សាន្ត៖ ដូចដែលប្រិយមិត្តបានជ្រាបហើយថា Rosé ដែលសមាជិកម្នាក់ក្នុងក្រុមចម្រៀងនារី BLACKPINK គឺជាតារាចម្រៀងស្រីដ៏មានឥទ្ធិពល ដោយក្រោយចាកចេញពី YG មកចូលរួមជាមួយផលិតកម្ម The Black Label មក គឺ Rosé បានបញ្ចេញអាល់ប៊ុមថ្មីមានចំណងជើងថា "rosie" ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បទចម្រៀងជាច្រើននៅក្នុងអាល់ប៊ុម rosie នេះភាគច្រើនជាបទបែបស៊្លូសមនឹងសំឡេងដ៏ក្រអៅក្រអួនរបស់នាង តែនាងបានសារភាពថាបទជាច្រើននៅក្នុងនេះដូចជា " Toxic Till the end" " Number One Girl" ឬ "Stay a little longer" សុទ្ធតែបទដែលតែងខ្លួនឡើងតាមស្នេហាពិតរបស់នាង។នាងក៏បាននិយាយយ៉ាងហូរហែពីអតីតមិត្តប្រុសដ៏ Toxic របស់នាងផងដែរធ្វើឲ្យអ្នកគាំទ្រនាំគ្នាវែកមុខស្វែងរក អតីតគូស្នេហ៍របស់នាង។

ដោយឡែកថ្មីៗនេះ គេសង្ស័យថា Jaehyun ដែលជាសមាជិកបុរសក្រុម NCT មកពីផលិតកម្ម SM Entertainment អាចជាអតីតមិត្តប្រុសរបស់  Rosé ដោយសារតែមានភស្តុតាងពីគណនី "YG Leaker" ដែលមានពាក្យចចាមអារ៉ាមថាបានដឹងការពិតជាច្រើននៅពីក្រោយឆាករបស់តារា YG និងថែមទាំងជាអតីតបុគ្គលិកផងនោះ បានទម្លាយថាបុរសម្នាក់នោះគឺ Jaehyun មកពី NCT ។

ភ្លាមៗក្រោយពីមានពាក្យចចាមអារ៉ាមបែបនេះ គណនី Instagram របស់ Jaehyun ត្រូវគេចូលមកបញ្ចេញមតិបែបឌឺដង ខ្លះក៏ប្រើពាក្យមិនសមរម្យទៅលើរូបគេទៀតផងប៉ុន្តែ ពុំមានភស្តុតាងច្បាស់លាស់បញ្ជាក់ថាគេជាអតីតគូស្នេហ៍របស់ Rosé នោះឡើយ៕  

ប្រភព៖: koreaboo

• រូបភាព
• តារាកូរ៉េ