កម្សាន្ត៖ Jisoo គឺជាសមាជិករៀមច្បងរបស់ក្រុមចម្រៀងនារី BLACKPINK ដែលមិនត្រឹមតែមានសម្រស់ស្រស់ស្អាត បែបទន់ភ្លន់ ដូចព្រះនាងម្ចាស់ ដែលជារឿយៗ នាងតែងតែត្រូវគេចាប់អារម្មណ៍ទាំងជីវិតលើឆាកនិងក្រោយឆាក ហើយភាពល្បីល្បាញរបស់នាងធ្វើឲ្យនាងក្លាយជាតារាស្រីដែលបានធ្វើជាអ្នកតំណាងផ្សព្វផ្សាយផលិតផលជាច្រើន។
ភាពជោគជ័យរបស់ Jisoo បានមួយផ្នែកធំមកពី BLACKPINK ដែលទោះចាកចេញពី YG ក្ដីក៏នាងបានបន្តសាងកេរ្តិ៍ឈ្មោះដោយបានបញ្ចេញអាល់ប៊ុមទោលថ្មី ស្ថិតក្រោមផលិតកម្ម "BLISOO" ផងដែរ។ ប៉ុន្តែថ្មីៗនេះ Jisoo ត្រូវបានមហាជនរិះគន់យ៉ាងចាស់ដៃ បន្ទាប់ពី គណនី Twitter ឈ្មោះ "YG Leaker" ដែលបានអះអាងថាជាអតីតបុគ្គលិកធ្វើការនៅ YG បានបញ្ចេញវីដេអូមិនផ្លូវការនិងមិនធ្លាប់បានឃើញពីមុនរបស់សមាជិក BLACKPINK កាលពួកគេមិនទាន់ចេញច្រៀងជាផ្លូវការ គឺកាលនៅហ្វឹកហាត់ជាអ្នកហាត់ការ។
ក្នុងនោះ មហាជនចាប់អារម្មណ៍វីដេអូ Jisoo ក្នុងនាមជាអ្នកហាត់ការបានច្រៀងបទ "Right By My Side" ជាសំនៀងដើមដោយតារារ៉េបស្រី Nicki Minaj ដោយនាងបានច្រៀងជាភាសាអង់គ្លេស។
យ៉ាងណាមិញ បន្ទាប់ពីវីដេអូនោះបានបង្ហោះចេញ មហាជនមានមតិរិះគន់ផងនិងសរសើរនាងផង ដោយអ្នកខ្លះថា សំឡេងរបស់នាងមិនសមនឹងបានធ្វើជាតារាចម្រៀងនោះឡើយ ហើយសំនៀងភាសាអង់គ្លេសរបស់នាងគឺបែបបន្លំៗ មិនច្បាស់លាស់ ធ្វើឲ្យពិបាកស្ដាប់ ខណៈដែលមានអ្នកគាំទ្រជាច្រើនបានចេញមុខមកការពារនាងថា នោះជាសំឡេងដ៏ប្លែករបស់ Jisoo ជាសំឡេងប្រចាំខ្លួនរបស់នាង ហើយពួកគេស្ដាប់ទៅក៏មិនមានអ្វីទើសត្រចៀកដែរ គឺពីរោះខ្លាំងណាស់។
ចង់ដឹងនាងច្រៀងយ៉ាងណា សូមទស្សនាវីដេអូខាងក្រោម៖
who approved of her debut? pic.twitter.com/iTCyDAQBNQ
— ً (@yoonslogist) March 30, 2025
ប្រភព៖: koreaboo
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
