ខណៈ R.Madrid ចង់បាន អ្នកចាត់ការ Man UTD និយាយពីអនាគតតារាឆ្នើម Bruno Fernandes ជាមួយក្រុម

កីឡា៖ លោក Ruben Amorim ជាអ្នកចាត់ការក្រុមបិសាចក្រហម Manchester United បានបញ្ជាក់ឲ្យដឹងថា តួសំខាន់ Bruno Fernandes នឹងមិនចាកចេញពីក្លិបទៅណាឡើយ បើទោះជាលេចឮពាក្យចចាមអារ៉ាមថា រូបគេកំពុងស្ថិតក្នុងរ៉ាដារបស់ Real Madrid ក៏ដោយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Fernandes ដែលផ្ទេរពី Sporting CP មកកាន់ទឹកដី Old Trafford កាលពីខែមករា ឆ្នាំ២០២០ ហើយគេនៅតែជាកីឡាករសំខាន់ម្នាក់ក្នុងក្រុម ដោយ គេរកបាន៧គ្រាប់និងបញ្ជូនបាល់បាន៣គ្រាប់ហើយ ក្នុងការបង្ហាញខ្លួន៧ប្រកួតចុងក្រោយនេះ។

Bruno Fernandes ក៏បានស៊ុត Hat-Trick ទល់នឹងក្រុម Real Sociedad កាលពូពេកថ្មីៗនេះក្នុងពានរង្វាន់ Europa League ផងដែរ ដែលភាពល្អរបស់គេល្បីថាទាក់ភ្នែកក្លិបអធិរាជស Real Madrid ខ្លាំងណាស់។

ក្រុមរបស់លោក Carlo Ancelotti គ្រោងនឹងស្នើកញ្ចប់ទឹកប្រាក់៩០ផោន (ជិត១១៧លានដុល្លារ)ដើម្បីឆក់យកគេពីទឹកដី Old Trafford ប៉ុន្តែលោក Amorim បានទម្លាយថា៖

"វាមិនអាចកើតឡើងទេ។"

ប្រភព៖: metro