នៅតែផ្អែម! IU ចេញមកនិយាយពីមិត្តប្រុស Lee Jong Suk បែបនេះ

កម្សាន្ត៖ ដូចដែលប្រិយមិត្តបានជ្រាបហើយថា IU ដែលជាតារាចម្រៀងស្រីទោលដ៏ល្បីឈ្មោះ ត្រូវបានគេស្គាល់ថាមានអត្តចរិតសុភាពស្លូតបូត និងគួរឲ្យស្រលាញ់នោះ បានប្រកាសថានាងមានទំនាក់ទំនងស្នេហាជាមួយតារាសម្ដែងប្រុស Lee Jong Suk តាំងពីឆ្នាំ២០២២។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទោះជាគ្មានរូបថតថាអ្នកទាំងពីរបានចេញក្រៅ ដើរលេងជាមួយគ្នាក្ដីក៏ទំនាក់ទំនងស្នេហាតារាទាំងពីរ នៅតែមើលទៅរឹងមាំ ដោយជារឿយៗ ពួកគេតែងតែនិយាយពីគ្នានឹងគ្នាប្រាប់ទស្សនិកជន ហើយក្នុងការប្រគុំតន្ត្រីរបស់ IU ក៏មានវត្តមាន Lee Jong Suk ចូលរួមដែរ។

ថ្មីៗនេះ IU ត្រូវគេកោតសរសើរពីការសម្ដែងជាតួឯកស្រីរបស់នាងក្នុងរឿងភាគនិយាយពីចំណារព្រហ្មលិខិតនិងជីវិត គឺរឿង "When life gives you Tangerines" ដែលទើបតែបញ្ចប់ការចាក់បញ្ចាំង។ ក្នុងនោះក្នុងកិច្ចសម្ភាសន៍មួយទាក់ទងនឹងរឿងនេះ ពិធីករបានសួរ IU ទាក់ទងនឹងចំណាប់អារម្មណ៍ Lee Jong Suk ថាលោកមានបានមើលរឿងនេះឬនៅ ទើប IU បានឆ្លើយថា៖

"គាត់ពិតជាមានការរវល់ខ្លាំងណាស់ ដូច្នេះខ្ញុំមិនគិតថាគាត់មានឱកាសបានមើលរឿងនេះនៅឡើយទេ។ នេះជាអ្វីដែលខ្ញុំស្មានបាន ព្រោះខ្ញុំដឹងថាគាត់រវល់ខ្លាំងណាស់។"  

ប្រភព៖: koreaboo

• រូបភាព
• តារាកូរ៉េ