កីឡា៖ យោងតាមរបាយការណ៍ មានពាក្យចចាមអារ៉ាមថា មិនត្រឹមតែ Trent Alexander-Arnold ទេដែលចាកចេញពី Liverpool ទៅកាន់ Real Madrid តែខ្សែប្រយុទ្ធ Mohamed Salah ក៏គ្រោងទៅទីនោះតាម Arnold ដែរ។
ថ្មីៗនេះ Trend Alexander-Arnold បានព្រមព្រៀងលើកិច្ចសន្យាផ្ទាល់ខ្លួនជាមួយ Real Madrid ហើយដោយរូបគេនឹងចាកចេញពីទឹកដី Anfield ក្រោយចប់រដូវកាលនេះ តែរបាយការណ៍ថ្មីៗនេះបានបញ្ជាក់ថា Real Madrid ក៏ចាប់អារម្មណ៍ចង់បាន Salah ផងដែរ ដើម្បីមកជំនួសខ្សែប្រយុទ្ធ Vinicious Jr. ដែលកំពុងមានពាក្យចចាមអារ៉ាមថានឹងផ្លាស់ទៅលីគអារ៉ាប់ប៊ីសាអូឌីត។
Salah នឹងផុតកុងត្រាជាមួយហង្សក្រហម នៅពេលចប់រដូវកាលនេះហើយ ដូច្នេះទើបភាគីលោក Carlo Ancelotti ចង់យកគេមកដោយគ្មានតម្លៃខ្លួនដូចជាករណី Trent Alexander-Arnold អ៊ីចឹង ម្យ៉ាង Vinicious Jr. មានពាក្យចចាមអារ៉ាមថា បានបង្កបញ្ហាក្រៅទីលានជាច្រើន តាំងពីរូបគេខកខានមិនបានឈ្នះ Ballon d'Or កាលពីឆ្នាំមុន ធ្វើឲ្យ Real Madrid អស់ការអត់ធ្មត់ចំពោះរូបគេហើយ៕
ប្រភព៖: sportskeeda
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
