Mbappe ឆ្លើយបែបនេះ ពេលគេសួរថាចង់ឈ្នះ UCL ឬ Ballon d'Or ជាង?

កីឡា៖ តារាឆ្នើមក្លិបអធិរាជស Real Madrid គឺ Kylian Mbappe បានធ្វើការជ្រើសរើសរវាងពានរង្វាន់ Ballon d'Or ឬបាល់មាស និងពានរង្វាន់ Champions League ខណៈដែលពេលនេះ រូបគេកំពុងធ្វើបានល្អនៅទឹកដី Santiago Bernabeu ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នារដូវកាលនេះ Kylian Mbappe បានស៊ុតបញ្ចូលទីសរុបចំនួន២៩គ្រាប់ ដោយ២២គ្រាប់បានពីការប្រកួតក្នុងក្របខណ្ឌ La Liga ហើយ ៧ គ្រាប់ទៀតគឺស៊ុតបញ្ចូលទីក្នុងពានរង្វាន់ Champions League ។ ខណៈដែលរដូវកាល ២០២៤-២០២៥ ជិតកន្លងផុតនោះ ការរកអ្នកឈ្នះរវាងពានរង្វាន់ Champions League និង Ballon d'Or ក៏កាន់តែខិតជិតចូលមកដល់។

ក្នុងនោះ Kylian Mbappe មិនដែលបានឈ្នះពានរង្វាន់ទាំងពីរ ដោយធ្លាប់កៀកនឹងឈ្នះ Champions League ម្ដងនារដូវកាល២០១៩ - ២០២០ ហើយពេលគេសួរថាលោកចង់ឈ្នះ Ballon d'Or ឬ Champions League ជាងគឺរូបគេបានឆ្លើយថា៖

"Ballon d'Or ឬ Champions League? Ballon d'Or គឺពានផ្ទាល់ខ្លួនហើយ ខ្ញុំតែងតែនិយាយថាការលេងឲ្យ Real Madrid គឺជាគោលដៅសំខាន់នៃអាជីពរបស់ខ្ញុំ ដូច្នេះការឈ្នះ Champions League ជាមួយ Real Madrid ដែលជាក្លិបល្អផ្ដាច់គេក្នុងលោក និងចូលរួមចំណែកបង្កើតប្រវត្តិសាស្ត្រនៃក្លិបល្អផ្ដាច់គេក្នុងលោក គឺគ្មានអ្វីល្អជាងនោះឡើយ។"

ប្រភព៖: sportskeeda