Justin និង ភរិយា ចេញមកកម្សាន្ត ជាមួយគ្នា យ៉ាងផ្អែមល្ហែម ក្រោយ គេ»»-សង្ស័»»-យ រឿងមួយនេះ

កម្សាន្ត៖ ធ្វើឲ្យហ្វេនៗជាច្រើន មានការចាប់អារម្មណ៍សាជាថ្មី ក្រោយ តារាស្រី Hailey ដែលជាភរិយាតារាចម្រៀងប្រុស លោក Justin Bieber បាន​បង្ហាញខ្លួនជាមួយគ្នា យ៉ាងស្និទ្ធស្នាល ខណៈពេលគូស្វាមីភរិយាមួយគូនេះ ​បាន​ចេញ​ទៅ​ញ៉ាំ​អាហារ​ថ្ងៃត្រង់​នៅ Los Angeles កាល​ពី​ចុង​សប្តាហ៍។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារាចម្រៀង លោក Justin និង Hailey Bieber បានបង្ហាញខ្លួនក្នុងឈុតពណ៌ខ្មៅ ដែលមើលទៅត្រូវគ្នា នៅឯភោជនីយដ្ឋានមួយក្នុងទីក្រុង Los Angeles នៅថ្ងៃត្រង់ កាលពីថ្ងៃទី ៥ ខែមេសាកន្លងទៅនេះ។ តារាម៉ូដែលស្រីវ័យ ២៨ ឆ្នាំរូបនេះ បានពាក់អាវវាលក្លៀក ខោជើងវែង មួកខ្មៅ និងស្បែកជើងពណ៌ស។ ចំណែក​ឯ​តារា​ចម្រៀង​ប្រុស​ដែលជាស្វាមី បានស្លៀកពាក់ ឈុត​អាវ​ក្រណាត់​ពណ៌​ខ្មៅ ពាក់​ខោ​ជើង​វែង ស្បែកជើង​ពណ៌​ត្នោត និង​មួក​រោម​ពណ៌​ផ្កាឈូក។

គូស្វាមីភរិយាតារាប្រុសស្រីទាំងពីរ ត្រូវបានគេឃើញ បានដើរចាប់ដៃគ្នាពីចំណតរថយន្តចូលទៅក្នុងភោជនីយដ្ឋាន។ យោងតាមវីដេអូរបស់ TMZ បានឲ្យដឹងថា Justin បានត្រឡប់មករថយន្តវិញ ដើម្បីយកអាវក្រៅមួយ ទៅជូនភរិយារបស់ខ្លួន។ ហើយក្រោយ​ពេល​ញ៉ាំអាហារ​រួច អ្នក​ទាំង​ពីរ​បាន​បើក​រថយន្ត​ចេញទៅ​បាត់ ។

កាល​ពី​ថ្ងៃ​ទី ៤ ខែ​មេសា អ្នកទាំងពីរ​ក៏​ត្រូវ​បាន​គេ​ឃើញ ​ញ៉ាំ​ការ៉េម​នៅ Cold Stone Creamery ក្នុង​ទីក្រុង Los Angeles ជាមួយ​នឹង Lori Harvey ដែល​ជា​មិត្ត​របស់ Hailey ។ Justin និង Hailey បានបង្ហាញស្នាម​ញញឹម​ នៅ​ពេល​ដែល​ពួក​គេ​ដើរ​ចុះ​តាម​ចិញ្ចើម​ផ្លូវ ដោយ​មិន​មាន​សញ្ញា​នៃ​បញ្ហា​ក្នុង​អាពាហ៍ពិពាហ៍​ឡើយ។

គួររំឮកផងដែរថា កាលពីមុននេះ Hailey មានពាក្យចចាមអារ៉ាមថា បាន Unfollow ស្វាមីរបស់នាងនៅលើ Instagram បើទោះបីជាមានប្រភពមួយ បាននិយាយថា វាជាកំហុសខាងកម្មវិធីក៏ដោយ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ