សង្ស័យគិតច្រើនពេក ឈឺឡើងស្គម! Bang Si Hyuk ម្ចាស់ផលិតកម្ម HYPE ចុះទម្ងន់ខ្លាំង រាងឡើងស្ដើង

កម្សាន្ត៖ អ្នកលេងបណ្ដាញសង្គម មានការភ្ញាក់ផ្អើលជាខ្លាំង​ ក្រោយពីឃើញរូបរាងរបស់លោក Bang Si Hyuk ដែលជាម្ចាស់ផលិតកម្ម HYPE បង្ហាញសភាពស្គមស្គាំងដូចជាមនុស្សឈឺ។ កាលពីថ្ងៃទី 8 ខែមេសា គាត់បានបង្ហោះរូបថតថ្មីនៅលើ Instagram ដោយបង្ហាញពីរូបថតដែលស្ទើរតែមិនស្គាល់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុង​រូប​ថត​រូប​នេះ គាត់​កំពុង​ញញឹម​ ខណៈដែល​ស្លៀក​សម្លៀក​បំពាក់​ធម្មតា មិនបានតែងខ្លួន រួមទាំងសភាពស្គមបែបនេះទៀត មហាជនមើលមិនស្គាល់ទេ។ អ្នកលេងបណ្ដាញសង្គម បានកត់សម្គាល់ការប្រែប្រួលរូបរាងរបស់ Bang PD តាមរយៈរូបថតថ្មីៗរបស់គាត់ជាមួយក្រុម TXT ក៏បង្ហាញពីការផ្លាស់ប្តូររបស់គាត់ផងដែរ។

ទន្ទឹមនឹងនោះផងដែរ មហាជនមួយចំនួនបានសន្និដ្ឋានថា Bang PD ស្រកទម្ងន់ព្រោះតែលោកឈឺក្បាល គិតច្រើន ពាក់ព័ន្ធនឹងបញ្ហាជាមួយ Min Hee Jin ហើយ ពាក់ព័ន្ធនឹងរឿងក្ដីជាមួយក្រុម Newjeans ដែលធ្វើឲ្យលោកបាយមិននឹកទឹកមិនស្រែក រហូតដល់ស្គមថ្នាក់នេះ៕

ប្រភព៖ Kpopchart 

• រូបភាព
• តារាកូរ៉េ