កម្សាន្ត៖ ពិតណាស់ បើនិយាយពីសមាជិក BLACKPINK ដែលមានប្រជាប្រិយភាពជាងគេក្នុងក្រុមគឺគេតែងតែនឹកដល់ Jennie និង Lisa ព្រោះអ្នកទាំងពីរមានអ្នកគាំទ្រច្រើន ហើយជាក់ស្ដែងក៏មានអ្នកគាំទ្រខ្លះចូលចិត្តយកអ្នកទាំងពីរមកប្រៀបធៀបគ្នាជារឿយៗ។
ជាហេតុនេះហើយទើបធ្វើឲ្យពេលខ្លះ អ្នកគាំទ្ររបស់អ្នកទាំងពីរមានការឈ្លោះប្រកែក ខ្វែងគំនិតគ្នា ដោយសារតែម្នាក់ៗគិតថា អាយដលរបស់ខ្លួនល្អជាងអ្នកនោះហើយថ្មីៗនេះ ក្រោយសមាជិក BLACKPINK បានចាកចេញពីផលិតកម្ម YG Entertainment មកបើកផលិតកម្មផ្ទាល់ខ្លួននោះ Jennie និង Lisa ក៏ហាក់ឃ្លាតឆ្ងាយពីគ្នា ដោយសារ BLACKPINK ផ្អាកសកម្មភាពជាក្រុមបណ្ដោះអាសន្ន។
ឥឡូវនេះ មានវីដេអូមួយត្រូវបានបង្ហោះដោយបង្ហាញពីពេលមួយដែល Lisa និង Jennie បានចួបគ្នានៅខាងក្រៅ ប៉ុន្តែពួកគេបានតោះតើយដាក់គ្នាដោយពុំបានសើចញញិម ឬឈរនិយាយជាមួយគ្នានោះឡើយ ហាក់បញ្ជាក់ថាអ្នកទាំងពីរពុំបានជិតស្និទ្ធគ្នានៅខាងក្រៅ ដូចការបង្ហាញនៅលើឆាកទេ។វីដេអូនេះបានផ្ទុះឡើង ដោយមានអ្នកចូលមើលរហូតដល់៣.១លាននាក់និងធ្វើឲ្យមានការវែកញែកជាខ្លាំង។ យ៉ាងណាមិញអ្នកគាំទ្រខ្លះគិតថា ពួកគេមិនបានរាក់ទាក់គ្នាដោយសារតែរវល់នឹងការងាររៀងខ្លួន ខណៈ Jennie មើលទៅដូចជាប្រញាប់ប្រញាល់ខ្លាំង ឯ Lisa ក៏ដូចគ្នា៕
@maksgen15yr0 #jenlisa ♬ original sound - Maks Gen - JL
ប្រភព៖: koreaboo
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
