កម្សាន្ត៖ តារាម៉ូដែលស្រី Gigi Hadid ត្រូវបានគេឃើញ កាន់ដៃជាមួយតារាសម្តែង Bradley Cooper នៅភោជនីយដ្ឋានមួយ ក្នុងទីក្រុង New York ក្នុងថ្ងៃខួបកំណើតរបស់នាង កាលពីថ្ងៃទី ២៥ ខែមេសា។
គូស្នេហ៍តារាមួយគូនេះ មើលទៅមានភាពស្រស់ស្រាយ ពេលមកដល់ក្នុងពិធីជប់លៀងមួយ នៅភោជនីយដ្ឋាន កាលពីយប់ថ្ងៃសុក្រ។ តារាម៉ូដែលស្រីវ័យ ៣០ ឆ្នាំរូបនេះ មើលទៅស្រស់ស្អាត ក្នុងឈុតអាវពណ៌ស ខោស្បែក និងគ្រឿងអលង្ការដ៏ទាក់ទាញ។ នាងក៏ពាក់ចិញ្ចៀននៅលើម្រាមដៃឆ្វេងរបស់នាង ដែលធ្វើឱ្យមានការសង្ស័យពីរឿងភ្ជាប់ពាក្យ។ តារាប្រុស Bradley Cooper ស្លៀកសម្លៀកបំពាក់ពណ៌ខ្មៅ ជាមួយនឹងអាវទាន់សម័យ ព្រមទាំងបង្ហាញស្នាមញញឹម ហើយកាន់ដៃមិត្តស្រីរបស់ខ្លួន ពេលដើរចេញពីឡាន ទៅខាងក្នុង។
ពិធីខួបកំណើតរបស់ Gigi Hadid ក៏មានការចូលរួមពីឪពុកម្តាយ ប្អូនស្រី Bella Hadid និងមិត្តភក្តិជិតស្និទ្ធមួយចំនួន ដូចជាតារាសម្តែង Anne Hathaway និងស្វាមី Emily Ratajkowski ។
គួររំឮកផងដែរថា Gigi Hadid និង Bradley Cooper បានទាក់ទងគ្នា តាំងពីចុងឆ្នាំ ២០២៣ ហើយទំនាក់ទំនងនេះ ត្រូវបានគេនិយាយថា កាន់តែស៊ីជម្រៅ។ អ្នកទាំងពីរ មានភាពដូចគ្នាច្រើន ហើយចុះសម្រុងគ្នា បានយ៉ាងល្អ។ Gigi បាននិយាយថា ទំនាក់ទំនងរបស់នាងជាមួយ Bradley បច្ចុប្បន្ន គឺ រ៉ូមែនទិច និងរីករាយណាស់ ៕
ប្រភព៖ Ngoisao.net
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
