ឡូយញាក់! បទថ្មី Maroon 5 ត្រៀមចេញជាមួយ Lisa ទម្លាក់រូបភាព Teaser មកហើយ

កម្សាន្ត៖ ថ្មីៗនេះ ក្រុមចម្រៀងបុរសផបនិងរ៉ក់ Maroon 5 ទើបតែបានទម្លាក់រូបភាពអាថ៌កំបាំង ប្រកាសពីការត្រឡប់មកវិញជាមួយនឹងចម្រៀងថ្មី ដោយគេឃើញ Adam Levine សមាជិកក្រុមនិងជាអ្នកចម្រៀងសំខាន់ បានឈរបែរខ្នងជាមួយនឹងនារីរាងស្វ៊ែលស្ដើងម្នាក់ ដែលគេស្គាល់នាពេលក្រោយថាជា Lisa សមាជិកក្រុមចម្រៀងនារី BLACKPINK ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បន្ទាប់ពីមានការសង្ស័យនិងវែកញែករួចមក នាថ្ងៃទី២៨ខែមេសាកន្លងទៅនេះ Maroon 5 បានទម្លាក់រូបភាព Teaser ផ្លូវការជាមួយ Lisa តែម្ដងដែលបទចម្រៀងពួកគេច្រៀងរួមគ្នាមានចំណងជើងថា "Priceless" ។

ក្នុងនោះ Lisa បានស្លៀករ៉ូបរឹបរាង ក្រឡាស្បែកពស់ថ្លាន់ បញ្ចេញស្មា ដៃវែង មើលទៅស្រស់ស្អាតនិងស៊ិចស៊ី ជាមួយនឹងការតុបតែងមុខបែបដិតៗដោយបានឈរដាក់ដៃលើស្មា Adam Levine ខណៈដែលបទចម្រៀងនេះនឹងចេញនាថ្ងៃទី២ ខែឧសភា ឆ្នាំ២០២៥ខាងមុខ៕

ប្រភព៖: allkpop

• រូបភាព
• តារាថៃ
• តារាកូរ៉េ