រូបភាពថ្មី ម៉ារីម៉ា បង្ហាញភាពស្រស់ស្អាត ជាមួយ ស្វាមី ពេលចូលរួមកម្មវិធីមួយនេះ

កម្សាន្ត៖ តារាសម្តែងស្រី Marian Rivera និង ស្វាមី លោក Dingdong Dantes ព្រមទាំងកូនស្រី Zia ទទួលបានការចាប់អារម្មណ៍ជាពិសេស នៅក្នុងពិធីមង្គលការមួយ ដែលបានធ្វើឡើងកាលពីចុងសប្តាហ៍។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ តារាសម្ដែងស្រី Marian Rivera និង ស្វាមី Dingdong Dantes ព្រមទាំងកូនស្រី បានចូលរួមក្នុងពិធីមង្គលការរបស់អ្នកជិតស្និទ្ធនឹងគ្រួសារ។ ក្នុងនោះដែរ តារាសម្ដែងស្រីរូបនេះ បានតុបតែងខ្លួន ដោយស្លៀក​រ៉ូប​គ្មាន​ខ្សែ​ពណ៌​ខៀវ​បែបរឹបរាង និងបានលេងស្ទាយ៍ចងសក់ឡើងយ៉ាងស្រស់ស្អាត ដើម្បីបង្ហាញមុខដ៏ល្អឥតខ្ចោះរបស់ខ្លួន  ជាមួយនឹងការតុបតែងមុខបែបស្រាលៗ។

ទន្ទឹម​នឹង​នោះ​ដែរ ស្វាមី​របស់នាង លោក Dingdong បាន​ស្លៀក​ឈុត​ខ្មៅ​យ៉ាង​សង្ហា។ អ្នក​ទាំង​ពីរ​ត្រូវ​បាន​គេ​និយាយ​ថា​ ទទួល​បាន​ការ​ចាប់​អារម្មណ៍​ពីទស្សនិកជន ដោយ​សារ​តែ​រូបរាង​ដ៏​ទាក់ទាញ​របស់​ពួក​គេ។ ទោះជាយ៉ាងណាក៏ដោយ ការយកចិត្តទុកដាក់ទាំងអស់ គឺបានផ្តោតទៅលើកូនស្រីរបស់ Marian Rivera បន្ទាប់ពី ត្រូវបានគេឃើញ កូនស្រីនាងស្លៀករ៉ូបពណ៌លឿងដ៏ស្រស់ស្អាត ខណៈដែលបាន​ទទួល​តួនាទី​ជា​អ្នក​កំដរកូនក្រមុំ ​ក្នុង​ព្រឹត្តិការណ៍​នេះ៕

ប្រភព៖ Ngoisao.vn

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ