R.Madrid នឹងចែកផ្លូវជាមួយលោក Carlo Ancelotti ខណៈក្រុមជម្រើសជាតិមួយនេះ កំពុងទាក់ទងលោកទៅដឹកនាំ

កីឡា៖ យោងតាមការចុះផ្សាយរបស់អ្នកកាសែត Fabrizio Romano បានឲ្យដឹងថា លោក Carlo Ancelotti ជាអ្នកចាត់ការក្រុមអធិរាជស Real Madrid បានព្រមព្រៀងលើលក្ខខណ្ឌមួយចំនួន ក្នុងការទៅដឹកនាំក្រុមជម្រើសជាតិប្រេស៊ីលហើយ ខណៈដែល Real Madrid ក៏ត្រៀមនឹងចែកផ្លូវជាមួយនឹងអ្នកចាត់ការសញ្ជាតិអ៊ីតាលីរូបនេះដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លោក Ancelotti ទំនងជាទៅដឹកនាំ ប្រេស៊ីល នាចប់រដូវកាលនេះ ស្របពេលក្លិប Real Madrid គ្មានចេតនាអនុញ្ញាតឲ្យលោកដឹកនាំបន្តឡើយ ដោយសារនៅរដូវកាលនេះ លោក Ancelotti បានដឹកនាំឲ្យ Real Madrid បរាជ័យក្នុងការឡើងមកកាន់វគ្គពាក់កណ្ដាលផ្ដាច់ព្រ័ត្រពានរង្វាន់ Champions League ហើយនាពេលថ្មីៗនេះ Real Madrid ក៏បានចាញ់ Barcelona ខកខានលើកពាន Copa Del Rey ផងដែរ។

បរាជ័យនេះពុំអាចធ្វើឲ្យលោកបន្តដឹកនាំនៅ Real Madrid បានឡើយ ដោយលោកនឹងចាកចេញនាចប់រដូវកាល ខណៈកុងត្រាជាមួយក្រុមជម្រើសជាតិប្រេស៊ីលនឹងមានសុពុលភាពចាប់ពីខែមិថុនា ទៅ។ លោក Ancelotti នឹងត្រូវគេរំពឹងទុកថានឹងដឹកនាំក្រុមជម្រើសជាតិនេះចូលលេងពានរង្វាន់ FIFA World Cup ឆ្នាំ២០២៦៕  

ប្រភព៖: sportskeeda