តារាឆ្នើម Liverpool រូបនេះបានយល់ព្រមលក្ខខណ្ឌទុកមុន ក្នុងការផ្លាស់ទៅ R.Madrid

កីឡា៖ យោងតាមការចុះផ្សាយរបស់សារព័ត៌មាន Relevo និងអ្នកកាសែត Fabrizio Romano បានឲ្យដឹងថា ខ្សែការពារ Trent Alexander-Arnold ជាតារាឆ្នើមរបស់ក្រុមហង្សក្រហម Liverpool បានយល់ព្រមលើលក្ខខណ្ឌទុកមុន ក្នុងការផ្លាស់ទៅលេងនៅក្លិបអធិរាជស Real Madrid ហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កុងត្រារបស់ Arnold ជាមួយក្រុម Liverpool នឹងអស់សុពុលភាពត្រឹមថ្ងៃទី៣០ខែមិថុនាខាងមុខនេះ ខណៈដែលភាគីលោក Arne Slot ដែលទើបនឹងក្លាយជាម្ចាស់ជើងឯក Premier League រដូវកាល២០២៤/២០២៥នេះ បានព្យាយាមបញ្ចុះបញ្ចូលកីឡាករសញ្ជាតិអង់គ្លេសរូបនេះឲ្យស្នាក់នៅទឹកដី Anfield ដោយផ្ដល់ជូនកុងត្រាថ្មី តែ Arnold ហាក់មិនចង់បន្តកុងត្រាឡើយ។

Trent Alexander-Arnold នឹងចូលរួមជាមួយ Real Madrid ដោយគ្មានតម្លៃខ្លួន ខណៈដែល R.Madrid ក៏បានត្រៀមនឹងស្វាគមន៍រូបគេដែរ ព្រោះលោក Florentino Perez បានបញ្ជាក់ហើយថា Real Madrid នឹងទិញខ្សែការពារបន្ថែម។គួរបញ្ជាក់ផងដែរថា Trent Alexander-Arnold ជាកីឡាករចេញពីថ្នាលយុវជនរបស់ Liverpool និងបានឡើងមកលេងនៅឈុតធំកាលពីឆ្នាំ២០១៦៕

ប្រភព៖: football-espana