Fabrizio Romano ៖ ស៊េរីចាស់ R.Madrid រូបនេះនឹងចាកចេញពីក្លិប នាចប់រដូវកាលនេះហើយ

កីឡា៖ យោងតាមការចុះផ្សាយរបស់អ្នកកាសែត Fabrizio Romano បានឲ្យដឹងថា កីឡាករ Lucas Vazquez នឹងចាកចេញពីក្លិប Real Madrid នាចប់រដូវកាលនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កុងត្រារបស់ Vazquez ក្នុងការស្នាក់នៅទឹកដី Santiago Bernabeu នឹងអស់សុពុលភាពត្រឹមថ្ងៃទី៣០ខែមិថុនានេះហើយ ខណៈដែលក្លិបពុំមានចេតនាបន្តកុងត្រាថ្មីដល់គេនោះទេ។ Lucas Vazquez បានចូលរួមជាមួយ Real Madrid តាំងពីនៅថ្នាលបណ្ដុះបណ្ដាលយុវជនម៉្លេះ ដោយបានឡើងមកលេងឈុតធំ នៅរដូវកាល ២០១០-២០១១ រហូតមកទល់ពេលនេះ។

ក្នុងនោះ នៅរដូវកាលនេះ Vazquez បានចូលលេងចំនួន៤៦ប្រកួត ដោយចាប់ដៃគូជាមួយ Federico Valverde ។យ៉ាងណាមិញ Lucas Vazquez បានឈ្នះពានជាច្រើនជាមួយ Real Madrid ក្នុងអាជីពកន្លងមករបស់គេ ក្នុងនោះមានពាន UEFA Champions League ចំនួន៥ និងពាន La Liga ចំនួន៤ ព្រមទាំងពានផ្សេងៗជាច្រើនទៀត៕

ប្រភព៖: madriduniversal