Gigi Hadid បង្ហាញភាពផ្អែមល្ហែម ជាមួយ គូស្នេហ៍ ក្នុងពេលរៀបចំអបអរ ខួបកំណើត

កម្សាន្ត៖ តារាម៉ូដែល Gigi Hadid បានបង្ហោះ រូបថតដ៏ផ្អែមល្ហែម ជាមួយនឹងមិត្តប្រុស ដែលជាតារាសម្ដែង Bradley Cooper នៅឯពិធីខួបកំណើតរបស់នាង នៅលើ Instagram ទៅកាន់អ្នកគាំទ្រ ៧៧ លាននាក់កាលពីថ្ងៃទី ៣ ខែឧសភា កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នេះ​ជា​លើក​ទី​មួយ​ហើយ ​ដែល Gigi បាន​ចែក​រំលែក​រូបថត​មិត្ត​ប្រុស​របស់​ខ្លួន ​លើ​បណ្ដាញ​សង្គម បន្ទាប់​ពី​ បានទាក់ទង​គ្នា​ជិត​ពីរ​ឆ្នាំ។ នៅក្នុងរូបថតនោះ Gigi បានឱប Bradley និងចែករំលែកការថើប នៅកណ្តាលហ្វូងមិត្តភ័ក្តិ។ រូប​ថត​នេះ​ត្រូវ​បាន​​បង្ហោះ​ ជាមួយ​នឹង​រូប​ថត​ជា​បន្តបន្ទាប់​ពី ​ពិធី​ខួប​កំណើត​គម្រប់​ ៣០​ឆ្នាំ​ របស់​តារា​ម៉ូដែល​អាមេរិករូបនេះ។

មិនត្រឹមតែប៉៉ុណ្ណោះ នៅក្នុងសារបង្ហោះ Gigi Hadid បានថ្លែងអំណរគុណដល់មនុស្សគ្រប់គ្នាថា «ខ្ញុំមានអារម្មណ៍ថា សំណាងណាស់ដែលបានឈានចូលអាយុ ៣០ ឆ្នាំ! សំណាងជាមួយនឹងភាពរីករាយ និងការលំបាកទាំងអស់ ដែលជាមេរៀន និងអំណោយ ដែលរឿងទាំងពីរនេះបាននាំមក។ ខ្ញុំពិតជាសំណាងណាស់ ដែលបានធ្វើជាម្តាយ មិត្តភ័ក្តិ ដៃគូ បងស្រី កូនស្រី មិត្តរួមការងាររបស់មនុស្សដ៏អស្ចារ្យ!»។

កាលពីថ្ងៃទី ២៥ ខែមេសា កន្លងទៅនេះ Gigi Hadid ក៏បានបង្ហាញខ្លួន បានកាន់ដៃ Bradley Cooper យ៉ាងរីករាយ ទៅពិធីខួបកំណើតដែលធ្វើឡើងនៅភោជនីយដ្ឋានលំដាប់ខ្ពស់មួយ ក្នុងទីក្រុងញូវយ៉ក ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ