ក្នុង​គ្រោះថ្នាក់​ក្រឡាប់​តាក់ស៊ី​នៅ​សៀមរាបបាន ឆក់យក​ជីវិត​ភ្ញៀវទេសចរអឺរ៉ុប...​

Khmertimeskh៖ អ្នកទេសចរជនជាតិអឺរ៉ុបម្នាក់បានទទួលមរណភាព បន្ទាប់ពីរថយន្តតាក់ស៊ីដឺកអ្នកដំណើរដែលរួមមានជនជាតិខ្មែរបានរអិលធ្លាក់ពីលើផ្លូវកំឡុង ​មេឃភ្លៀងធ្លាក់ក្នុងខេត្តសៀមរាបកាលពីចុងសប្តាហ៍នេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ហេតុការណ៍​នេះ​បាន​កើតឡើង​កាលពី​វេលា​ម៉ោង​៩​និង​១០​នាទី​ព្រឹក ថ្ងៃ​ទី​៣ ឧសភា ឆ្នាំ​២០២៥ នៅ​លើ​ផ្លូវជាតិ​លេខ​០៦ ចន្លោះ​គីឡូម៉ែត្រ​លេខ​៣៥៣-៣៥៤ ស្ថិត​ក្នុងភូមិ​គោក​ចាស់ ឃុំ​ស្រ​ណា​ល់ ស្រុក​ក្រឡាញ់ ខេត្តសៀមរាប ។

បើតាមលោកឧត្តមសេនីយ៍ទោ ណុប សារ៉ាក់ ស្នងការរង និងជាអ្នកនាំពាក្យ នៃស្នងការដ្ឋាននគរបាលខេត្តសៀមរាបបានឲ្យដឹងថា ជនបរទេស២នាក់ និងជនជាតិខ្មែរ៤នាក់ បានបើករថយន្តពីលិចទៅកើត ហើយបានរអិលចេញពីផ្លូវទៅខាងត្បូងខណៈពេលមានភ្លៀងធ្លាក់។

ករណីនេះ​បណ្ដាល​ឲ្យ​ជនបរទេស​ម្នាក់​ស្លាប់ និង​ម្នាក់​រងរបួស​ស្រាល​។

សពមានឈ្មោះ ប៉ាវ ហាស ភេទប្រុស អាយុ៣៨ឆ្នាំ ជនជាតិ Czech Republic បានបាត់បង់ជីវិតនៅកន្លែងកើតហេតុ។

ដៃគូ​ឈ្មោះ Valerie Dvorakova ភេទ​ស្រី អាយុ​៣៥​ឆ្នាំ ជនជាតិ Czech​​ Republic រងរបួស​ស្រាល ។

បច្ចុប្បន្ន សពជនរងគ្រោះជាជនជាតិបរទេស ត្រូវបានសមត្ថកិច្ច យកទៅកាន់មន្ទីរពេទ្យបង្អែកស្រុកក្រឡាញ់ ដើម្បីរង់ចាំក្រុមគ្រួសារ ឬស្ថានទូតមកទទួលយកទៅធ្វើបុណ្យតាមប្រពៃណី។

​ចំពោះ​អ្នកបើកបរ​រថយន្ត សមត្ថកិច្ច​បាន​កសាង​សំណុំរឿង បញ្ជូន​ទៅកាន់​អយ្យការ​អម​សាលាដំបូង​ខេត្តសៀមរាប ដើម្បី​ចាត់ការ​តាមច្បាប់​។

ប្រភេពពី៖ khmertimeskh

• រូបភាព
• គ្រោះថ្នាក់ចរាចរណ៍
• គ្រោះថ្នាក់អាយុជីវិត