កម្សាន្ត៖ Jennie ដែលជាសមាជិកក្រុមចម្រៀងនារី BLACKPINK គឺជាតារាចម្រៀងដ៏មានប្រជាប្រិយភាពនិងលេចធ្លោខ្លាំងណាស់ ដោយកន្លងមក មិនថានាងតុបតែងឬស្លៀកពាក់អ្វីក៏ នាងបានក្លាយជាទីចាប់អារម្មណ៍សម្រាប់អ្នកគាំទ្រជានិច្ច។
កាលពីយប់ថ្ងៃទី៥ខែឧសភាកន្លងទៅនេះ Jennie បានបង្ហាញខ្លួនក្នុងកម្មវិធី Met Gala ឆ្នាំ2025 អមជាមួយនឹងតារាចម្រៀងនិងសម្ដែងជាច្រើននាក់ ប៉ុន្តែសម្រស់របស់នាងពិតជាលេចធ្លោនិងត្រូវគេកោតសរសើរខ្លាំង។
ក្នុងនោះ Jennie ចាយរាងជាមួយនឹងឈុតរបស់ Chanel ដែលជាម៉ាកយីហោសម្លៀកបំពាក់នាងធ្វើជាអ្នកតំណាងសាកល គឺជារបៀបរ៉ូបពណ៌ខ្មៅសំយេះស្មា មានរូបផ្កា Chanel នៅចំកណ្ដាលទ្រូង ដៃវែង ដែលរ៉ូបនេះអូសដីនិងឆែកពីមុខ ហើយនាងបានស្លៀកខោខ្មៅវែងពីក្នុងគូជាមួយនឹងស្បែកជើងកែងពណ៌ខ្មៅ។
Jennie ក៏បានបន្ថែមសម្រស់និងភាពទាក់ទាញរបស់នាងជាមួយមួក Chanel ពណ៌សលាយខ្មៅដូចជាមួកបែបគេលេងសៀក ដែលមើលទៅពិតជាស្រស់ស្អាតនិងប្លែកភ្នែកខ្លាំង ជាពិសេសនោះ នាងមើលទៅដូចជានារីអភិជនដ៏ស្រស់ស្អាត៕
ប្រភព៖: billboard
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
