ផ្លូវការ! តារា Liverpool រូបនេះ ប្រកាសចាកចេញពីក្លិប ទៅចូលរួមជាមួយ R.Madrid

កីឡា៖ យោងតាមការបញ្ជាក់ពីខ្សែការពារ Trent Alexander-Arnold ផ្ទាល់បានឲ្យដឹងថា រូបគេនឹងចាកចេញពីក្លិបហង្សក្រហម Liverpool នៅចប់រដូវកាលនេះ ខណៈដែលអ្នកកាសែត Fabrizio Romano បានរាយការណ៍ថាកីឡាករសញ្ជាតិអង់គ្លេសរូបនេះ នឹងផ្លាស់ទៅលេងនៅក្លិប Real Madrid ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Real Madrid កំពុងត្រូវការខ្សែការពារស្លាបឆ្វេងជាខ្លាំង បន្ទាប់ពីលោក Carlo Ancelotti បានដឹកនាំឲ្យក្រុមនេះធ្លាក់ចេញពីពានរង្វាន់ Champions League និងចាញ់ Barcelona យ៉ាងអាម៉ាស់ក្នុងវគ្គផ្ដាច់ព្រ័ត្រ Cope Del Rey ស្របពេលដែល Lucas Vazquez ខ្សែការពារស្លាបឆ្វេងក្នុងក្រុមក៏នឹងចាកចេញដែរ។

ការមកដល់របស់ Trent Alexander-Arnold នឹងជួយបំពេញចន្លោះខ្វះខាតរបស់ Real Madrid ហើយក្លិបនឹងផ្ដល់កុងត្រាចំនួន៥ឆ្នាំដល់រូបគេ។

យ៉ាងណាមិញ Trent Alexander-Arnold បានបញ្ចេញវីដេអូប្រកាសចាកចេញពី Liverpool ជាមួយនឹងអំណរគុណនិងការអាឡោះអាល័យ ដោយរូបគេបានឈ្នះពានសំខាន់ៗជាច្រើនជាមួយហង្សក្រហមដូចជាពានរង្វាន់ Premier League ពីរដង, FA Cup និងពាន League Cup ពីរដង , ពាន Fifa Club World Cup ,ពាន Champions League ម្ដងនិងពាន Super Cup ម្ដង៕

? BREAKING: Trent Alexander-Arnold to Real Madrid, here we go! ?⚪️

Decision to leave Liverpool now confirmed as Trent says goodbye to the club after winning one more PL title.

Documents being prepared for Trent to join Real Madrid on a 5 year contract, verbal agreement done. pic.twitter.com/IkmL1VIhWE

— Fabrizio Romano (@FabrizioRomano) May 5, 2025