មួយឈុតនេះ Jennie ស៊ិចស៊ីស្អាតទាក់ទាញ ហ្វេនមើលឡើងភ្លឹក

កម្សាន្ត៖ ដូចដែលប្រិយមិត្តបានជ្រាបហើយថា Jennie ដែលជាសមាជិកក្រុមចម្រៀងនារី BLACKPINK គឺជាតារាចម្រៀងស្រីដ៏មានប្រជាប្រិយភាពនិងមានឥទ្ធិពលក្និងវិស័យកម្សាន្ត ដែលមិនថានាងលេងម៉ូតសម្លៀកបំពាក់ ឬតុបតែងខ្លួនបែបណាក៏មាន អ្នកគាំទ្រចាប់អារម្មណ៍និងសរសើរជានិច្ច។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ កាលពីយប់ថ្ងៃទី៥ខែឧសភាឆ្នាំ២០២៥ (ស្មើនឹងព្រឹកថ្ងៃទី៦ខែឧសភា) Jennie បានបង្ហាញខ្លួនក្នុងកម្មវិធី Met Gala ឆ្នាំ២០២៥ ជាមួយនឹងរ៉ូបខ្មៅ Chanel អូសដីជាមួយខោវែង មើលទៅស្រស់ស្អាតនិងទាក់ទាញណាស់ ប៉ុន្តែអ្វីដែលគេកាន់តែចាប់អារម្មណ៍នោះគឺ ការស្លៀកពាក់របស់ Jennie ពេលចូលរួមកម្មវិធីជប់លៀងក្រោយចប់ Met Gala ឬហៅថា Met Gala after party ។

ក្នុងនោះ Jennie បានស្លៀកអាវរឹបបែប Corset ពណ៌ខ្មៅរឹបរាង និងពាក់អាវកាក់ស្បៃពីខាងក្នុង បង្អួតស្មាដ៏ស្រស់ស្អាតជាមួយនឹងសំពត់ខ្លីពណ៌ខ្មៅព្រមជាមួយនឹងមួក Chanel របស់នាង ធ្វើឲ្យនាងមើលទៅស្រស់ស្អាតនិងលេចធ្លោខ្លាំងណាស់៕

ប្រភព៖: allkpop

• រូបភាព
• តារាកូរ៉េ