រូបភាពថ្មី Taylor Swift និង គូស្នេហ៍ ចេញមកកម្សាន្ត ជាមួយគ្នា យ៉ាងផ្អែមល្ហែម

កម្សាន្ត៖ ធ្វើឲ្យហ្វេនៗជាច្រើនមានការចាប់អារម្មណ៍ ក្រោយពី តារាចម្រៀងស្រី Taylor Swift និង គូស្នេហ៍ លោក Travis Kelce បានលេចមុខជាថ្មីនៅទីក្រុង Philadelphia កាលពីថ្ងៃអាទិត្យ ខណៈពេលដែលកំពុងប្រារព្ធទិវាមាតា ជាមួយម្តាយរបស់ Travis គឺ Donna Kelce បងប្រុស Jason Kelce និងបងថ្លៃស្រី Kylie Kelce ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្រុមគ្រួសារមួយនេះ បានបង្ហាញភាពរីករាយនឹងការទទួលទានអាហារ នៅភោជនីយដ្ឋានមួយកន្លែង នេះបើយោងតាមអ្នកលេង TikTok @_theblackdogstan ដែលបានបង្ហោះរូបថតពីការដើរលេងរបស់គូស្នេហ៍មួយនេះ។

ការបង្ហាញខ្លួនដ៏កម្ររបស់ Taylor Swift និង គូស្នេហ៍ គឺបានកើតឡើង នៅពេលដែលពួកគេ បានរក្សាភាពស្ងៀមស្ងាត់ ក្នុងរយៈពេលប៉ុន្មានខែថ្មីៗនេះ បន្ទាប់ពី Super Bowl ត្រូវបានបញ្ចប់ កាលពីខែកុម្ភៈ។

ប៉ុន្តែទោះបីជាមានពាក្យចចាមអារ៉ាម អំពីការបែកបាក់គ្នាក៏ពិតមែន ប៉ុន្តែប្រភពមួយបានប្រាប់សារព័ត៌មាន Page Six នៅចុងខែមេសាថា Taylor និង Travis នៅតែមានភាពរឹងមាំ និងផ្អែមល្ហែម ផងដែរ៕

ប្រភព៖ PageSix

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ