កម្សាន្ត៖ តារាសម្តែងស្រី Chompoo Araya បានបង្ហោះរូបថត និងបង្ហាញពីក្តីស្រលាញ់របស់នាង ចំពោះស្វាមី ក្នុងឱកាសគម្រប់ខួបអាពាហ៍ពិពាហ៍ ១០ឆ្នាំ របស់ពួកគេ។
តារាសម្ដែងស្រី Chompoo Araya បាននិយាយថា ដើមឡើយគូស្វាមីភរិយាអ្នកទាំងពីរ គ្រោងនឹងប្រារព្ធខួបគម្រប់ ១០ឆ្នាំ យ៉ាងអធិកអធម ប៉ុន្តែ ដោយសារតែអ្នកទាំងពីររវល់ខ្លាំងពេក ទើបសម្រេចចិត្តពន្យារពេលដល់ឆ្នាំទី១២។ តារាស្រីរូបនេះ ក៏បានបង្ហើបថា នៅថ្ងៃខួប ស្វាមីនាងបានអញ្ជើញនាង ទៅញ៉ាំអាហារ ប៉ុន្តែនាងបានបដិសេធ ដោយបានលើកឡើងថា៖ «រាល់ឆ្នាំ ខ្ញុំទៅលេងទីក្រុង Cannes ពេលប្តីខ្ញុំអញ្ជើញខ្ញុំទៅញ៉ាំ ខ្ញុំថានឹងមិនញ៉ាំម្សៅ ឬនៅយប់ជ្រៅនោះទេ គឺដើម្បីរៀបចំកម្មវិធីនាពេលខាងមុខនេះ»។
តារាស្រីរូបនេះ ថែមទាំងបានបង្ហាញទៀតថា «១០ឆ្នាំនៃសុភមង្គលរបស់ខ្ញុំ។ រូបភាពនេះ ប្រហែលមិនល្អឥតខ្ចោះទេ ប៉ុន្តែវាល្អឥតខ្ចោះក្នុងលក្ខណៈគ្រួសាររបស់ខ្លួន ខ្ញុំពិតជាសប្បាយចិត្ត។ ពេលវេលាដើរលឿនណាស់ អ្វីៗនៅតែដិតដាមក្នុងចិត្ត»។
Chompoo Araya ក៏បានទម្លាយអាថ៌កំបាំងក្នុងការរក្សាចំណងអាពាហ៍ពិពាហ៍ គឺការគោរព និងស្វែងយល់ពីអត្តសញ្ញាណរបស់គ្នាទៅវិញទៅមក។ នាងបានបញ្ចេញមតិថា ភាពស្ងប់ស្ងាត់ របស់ស្វាមីនាង Nott គឺជាមន្តស្នេហ៍ ដែលនាងចូលចិត្តបំផុត ព្រោះវាជាភាពស្ងប់ស្ងាត់ដែលជួយធ្វើឱ្យជីវិតមានតុល្យភាព៕
ប្រភព៖ Ngoisao.net
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
