ផ្លូវការ! លោក Carlo Ancelotti នឹងទៅដឹកនាំប្រេស៊ីល ដោយទទួលបានប្រាក់ខែដល់ទៅ...

កីឡា៖ លោក Carlo Ancelotti បានយល់ព្រមក្នុងការផ្លាស់ទៅដឹកនាំក្រុមជម្រើសជាតិ ប្រេស៊ីល ហើយបន្ទាប់ពីចាកចេញពីក្លិប Real Madrid រួចមក នេះបើយោងតាមការចុះផ្សាយរបស់អ្នកកាសែត Fabrizio Romano ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពិតណាស់ Real Madrid បានសម្រេចចិត្តចែកផ្លូវជាមួយអ្នកចាត់ការសញ្ជាតិអ៊ីតាលីរូបនេះហើយ ក្រោយលោកបានដឹកនាំឲ្យក្រុមចាញ់ Barcelona ទាំងបួនលើកនារដូវកាលនេះ និងធ្វើឲ្យរបូតពាន Champions League និង Copa Del Rey ទៀតផង។

ឥឡូវនេះ លោកបានសម្រេចចិត្តថានឹងផ្លាស់ទៅដឹកនាំ ក្រុមសាំបា ប្រេស៊ីល ដោយទទួលបានប្រាក់ឈ្នួលដល់ទៅ១០លានអឺរ៉ូ (ស្មើនឹង១១លានដុល្លារ)ក្នុងមួយឆ្នាំឯណោះ ដោយលោកនឹងទទួលបានប្រាក់លើកទឹកចិត្តបន្ថែមចំនួន៥លានអឺរ៉ូ (ស្មើនឹង ៥.៥ លានដុល្លារ)បើសិនលោកដឹកនាំប្រេស៊ីលឲ្យឈ្នះការប្រកួតបាល់ទាត់ពិភពលោកឆ្នាំ២០២៦។

គួរបញ្ជាក់ផងដែរថា លោក Carlo Ancelotti បានដឹកនាំឲ្យ Real Madrid ឈ្នះពានរង្វាន់ពិសេសៗជាច្រើនដូចជា Champions League ៣ដង, UEFA Super Cup ចំនួន៣លើក, La Liga ចំនួន២លើក, Copa Del Rey ចំនួន២លើក, Supercopa de Espana ចំនួន២លើក, Club World Cup ២លើកនិង Intercontinental Cup ចំនួន១លើក៕