Romano៖ មិនត្រឹមតែចង់បាន Trent ទេ Real Madrid ក៏កំពុងតាមប្រមាញ់តារាឆ្នើម Liverpool រូបនេះដែរ

កីឡា៖ យោងតាមការចុះផ្សាយរបស់អ្នកកាសែត Fabrizio Romano បានឲ្យដឹងថា ក្លិបអធិរាជស Real Madrid មិនត្រឹមតែចង់បានខ្សែការពារ Trent Alexander-Arnold ទេតែក្លិបកំពុងសម្លឹងចង់តាមប្រមាញ់ខ្សែការពារ Ibrahima Konate ផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពិតណាស់ Real Madrid នឹងប្រកាសចែកផ្លូវជាមួយលោក Carlo Ancelotti នាពេលឆាប់ៗនេះដែរ ដោយគ្រូបង្វឹកមកដឹកនាំក្លិបបន្តគឺលោក Xabi Alonso ដែលជាអតីតកីឡាកររបស់ Real Madrid ។

លោក Alonso បានស្នើសុំទៅក្លិបឲ្យទិញខ្សែការពារបន្ថែមខណៈដែលខ្សែការពារមានក្នុងក្រុមស្រាប់ជាច្រើនបានរងរបួស។

ដូច្នេះ Real Madrid បានដាក់គោលដៅលើ Konate ដែលពេលនេះពុំទាន់មានការពិភាក្សាលើកុងត្រាថ្មីជាមួយនឹងក្លិបហង្សក្រហម Liverpool នោះឡើយ ស្របពេលកុងត្រារបស់គេជាមួយក្លិបនឹងអស់សុពុលភាពនាខែមិថុនា ឆ្នាំ២០២៦ខាងមុខនេះហើយ៕

ប្រភព៖: facebook