កម្សាន្ត៖ កាលពីជាងមួយសប្តាហ៍មុន តារាសម្ដែង លោក Hyun Bin បានធ្វើឱ្យអ្នកគាំទ្រ និងសង្គមអនឡាញមានការរំភើបចិត្ត នៅពេលដែលរូបលោក បានបង្ហាញខ្លួននៅក្នុងពិធីប្រគល់ពានរង្វាន់ Baeksang Awards ឆ្នាំ ២០២៥ បន្ទាប់ពី អវត្តមានមួយរយៈ ដោយផ្តោតលើការមើលថែកូនប្រុសរបស់ខ្លួន។
នៅក្នុងកម្មវិធី Baeksang Awards ឆ្នាំនេះ លោក Hyun Bin បានធ្វើឱ្យគ្រប់គ្នាកោតសរសើរ នៅពេលដែលបានបង្ហាញខ្លួន ក្នុងឈុតដ៏ស្រស់សង្ហា ឆើតឆាយ ជាមួយនឹងរូបរាងសង្ហា ដែលគ្រប់គ្នាឃើញហើយមិនអាចប្រកែកបាន។
យ៉ាងណាមិញ ថ្មីៗនេះវិញ អ្នកគាំទ្រ និងប្រព័ន្ធផ្សព្វផ្សាយកូរ៉េ មានការភ្ញាក់ផ្អើល នៅពេលដែលរូបថតមួយទៀតរបស់ Hyun Bin បន្ទាប់ពីព្រឹត្តិការណ៍ Baeksang បានបញ្ចប់ ត្រូវបានបង្ហាញ។
អ្វីដែលពិសេសនោះគឺ មិត្តភ័ក្តិរបស់ Hyun Bin បានបង្ហោះរូបថតមួយសន្លឹក ដែលថតជាមួយតារាប្រុសរូបនេះ ពេលដែលអ្នកទាំងពីរ មានឱកាសបានជួបគ្នា ដើរលេង ញ៉ាំអី និងជជែកគ្នា។ នៅក្នុងរូបថតដែលមិត្តម្នាក់បានបង្ហោះនោះ Hyun Bin បង្ហាញខ្លួន ជាមួយនឹងរូបភាពដែលគេចាត់ទុកថា មិនស្អាត និងបានតុបតែងខ្លួនពាក់អាវយឺតពណ៌ខ្មៅ រួមជាមួយមួកកីឡាបេស្បលពណ៌ដូចគ្នា។
យ៉ាងណាមិញ អ្វីដែលគួរឲ្យចាប់អារម្មណ៍ពីបណ្ដាញសង្គមនោះគឺ ការបង្ហាញខ្លួនរបស់ Hyun Bin ក្នុងរូបថតថ្មីនេះ ដែលខុសប្លែកពីរូបស្អាត និងទម្រង់មុខសង្ហារបស់លោក នៅក្នុងកម្មវិធី Baeksang Awards កាលពីសប្តាហ៍មុន ខណៈពេលនេះ រូបលោកបានបង្ហាញខ្លួនជាមួយនឹងមុខទទេ និងមានពុកចង្ការ។ តាមរយៈរូបភាពនេះ គេអាចមើលឃើញថា Hyun Bin មិនសូវខ្វល់ពីការថែរក្សារូបរាងរបស់ខ្លួន ពេលនៅផ្ទះនោះទេ និងតែងតែបង្ហាញខ្លួន ដោយមានផាសុកភាពបំផុត៕
ប្រភព៖ Kenh14
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
