ថៃ៖ អាចនិយាយបានថា គឺជាគូស្វាមីភរិយាល្បីមួយ នៅក្នុងវិស័យសិល្បៈ សម្រាប់តារាស្រី Nune Woranuch បើទោះបីជា នាងមិនសូវបានបង្ហាញភាពផ្អែមល្ហែមជាមួយនឹងស្វាមីក៏ពិតមែន ប៉ុន្តែអ្នកទាំងពីរ នៅតែស្រលាញ់គ្នា បង្ហាញពីទំនាក់ទំនងល្អក្នុងគ្រួសារ ជាបន្តបន្ទាប់ ខណៈពេលនេះ គឺជាខួបអាពាហ៍ពិពាហ៍ ១៥ ឆ្នាំរបស់ពួកគេ ផងដែរ។
ថ្មីៗនេះ លោក Tod Piti ដែលត្រូវបានគេស្គាល់ថា ជាស្វាមីរបស់ តារាស្រី Nune បានបង្ហោះរូបភាពពីពិធីភ្ជាប់ពាក្យជាមួយ Nune នៅលើ IG ជាមួយនឹងសារបង្ហោះ ថា «១៥ ឆ្នាំហើយ ជាទីស្រឡាញ់របស់ខ្ញុំ» ។
ការបង្ហោះនេះពី Tod Piti ត្រូវបានគេហៅថា មានភាពឆាប់រហ័សណាស់ ការបង្ហោះក្រោយពាក់កណ្ដាលអធ្រាត្រ ថ្ងៃទី១៣ ខែឧសភា ឈានចូលថ្ងៃទី១៤ ខែឧសភា ឆ្នាំ២០២៥ ដែលបង្ហាញពីការគិតគូរពីខួបមួយនេះ និងជាថ្ងៃដ៏សំខាន់សម្រាប់ពួកគេទាំងពីរ។
ម៉្យាងវិញទៀត តារាស្រី Nune Woranuch ក៏បានបង្ហោះរូបថតផ្អែមល្ហែមជាមួយ Tod Piti រួមជាមួយនឹងពាក្យថា «៥ ៤ ៧ ៨ ថ្ងៃ នៅជាមួយអ្នក» បើទោះជាមានការបង្ហោះក្រោយក៏ដោយ ប៉ុន្តែវាក៏ជាការរាប់ថ្ងៃ ដែលបានចំណាយពេលរស់នៅជាមួយគ្នា ជាប្ដីប្រពន្ធ។ ពួកគេមានការយកចិត្តទុកដាក់ដូចគ្នា ហើយមានអ្នកគាំទ្រជាច្រើន បានចូលមកអបអរសាទរដល់ស្វាមីភរិយាមួយគូនេះ ផងដែរ៕
ប្រភព៖ Kapook
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
