កម្សាន្ត៖ នៅពេលដែល តារាស្រី Kim Kardashian បានមកដល់តុលាការទីក្រុងប៉ារីស កាលពីថ្ងៃទី ១៣ ខែឧសភា ដើម្បីផ្តល់សក្ខីកម្មអំពីការលួចគ្រឿងអលង្ការ ឆ្នាំ ២០១៦ នាងបានទាក់ទាញការចាប់អារម្មណ៍ដោយស្លៀកសំលៀកបំពាក់ដ៏ប្រណិត និងពាក់ពេជ្រពេញរាងកាយ របស់នាង រួមទាំងខ្សែកតម្លៃ ៣ លានដុល្លារ ផងដែរ។
យោងតាម កាសែតបារាំង Le Parisien បានពណ៌នា ការបង្ហាញខ្លួនរបស់ Kim Kardashian នៅឯតុលាការក្រុងប៉ារីសថា ជាតារាកំរាលព្រំក្រហម។ មហាសេដ្ឋីវ័យ ៤៤ ឆ្នាំរូបនេះ បានស្លៀកឈុត classic John Galliano វ៉ែនតា Alaïa និងស្បែកជើងកែង Saint Laurent ។ Kim ពាក់ខ្សែជើងពេជ្រ ក្រវិល ចិញ្ចៀន និងខ្សែក។ ខ្សែកតែមួយគត់របស់ម៉ាក Samer Halimeh New York មានត្បូងពេជ្រសរុបចំនួន ៨០ គ្រាប់ ទម្ងន់ ៥២ ការ៉ាត់ និងមានតម្លៃ ៣ លានដុល្លារអាមេរិក។
ថ្វីត្បិតតែ ជនជាតិបារាំងល្បីខាងចូលចិត្តម៉ូដសំលៀកបំពាក់ក៏ដោយ ក៏អ្នកអត្ថាធិប្បាយមួយចំនួន មិនសប្បាយចិត្តនឹងការបង្ហាញខ្លួនដ៏ទាក់ទាញរបស់ Kim នៅតុលាការ ។ ខណៈមានមនុស្សម្នាក់ បានសរសេរថា ការិយាល័យរដ្ឋអាជ្ញាទីក្រុងប៉ារីស គួរតែស្នើឲ្យ Kim ស្លៀកពាក់សមរម្យជាងនេះ។
តារាស្រីរូបនេះ បានបង្កើតភាពច្របូកច្របល់ លើប្រព័ន្ធផ្សព្វផ្សាយ នៅពេលដែលនាងទៅដល់រដ្ឋធានីបារាំង ដើម្បីចូលរួមសវនាការ ដែលអ្នកសារព័ត៌មាន និងអ្នកគាំទ្រ អ្នកលេង TikTok មកពីជុំវិញពិភពលោក បានសម្រុកមកជួបនាង។ មន្ត្រីសន្តិសុខម្នាក់នៅតុលាការបានលាន់មាត់ នៅពេលបានឃើញទិដ្ឋភាពនេះ ថា តើនេះជាតុលាការ ឬពិធីបុណ្យភាពយន្ត Cannes?»។
Kim Kardashian បានបង្ហាញខ្លួននៅតុលាការកាល ពីព្រឹកថ្ងៃអង្គារជាមួយមនុស្ស ១០ នាក់ រួមទាំងម្តាយរបស់នាង អង្គរក្សប្រាំនាក់ និងមេធាវី។ នាងញញឹម និងគ្រវីទៅកាន់អ្នកគាំទ្រ និងអ្នកសារព័ត៌មាន នៅខាងក្រៅតុលាការ។ នៅពេល Kim ដើរចូលទៅខាងក្នុង ទស្សនិកជនបានស្រែកហ៊ោកញ្ជ្រៀវ ខណៈមហាជនរំភើប ចំពោះការបង្ហាញខ្លួន ព្រមទាំងការលេងស្ទីលដ៏ទាក់ទាញរបស់នាង ផងដែរ៕
ប្រភព៖ Ngoisao.net
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
