មកដឹងពី ទ្រព្យសម្បត្តិ David Beckham និង ភរិយា ចូលលំដាប់មហាសេដ្ឋី

កម្សាន្ត៖ អតីតកីឡាករបាល់ទាត់ លោក David Beckham និង ភរិយា Victoria កំពុងស្ថិតក្នុងចំណោមគ្រួសារអ្នកមានបំផុត ក្នុងប្រទេសអង់គ្លេស ដែលមានទ្រព្យសម្បត្តិ ៥០០ លានផោន(ប្រហែល ៦៦៥លានដុល្លារ)។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាម កាសែត The Sunday Times បានចេញផ្សាយពីបញ្ជីបុគ្គល និងគ្រួសារដែលមានបំផុតចំនួន ៣៥០ នៅចក្រភពអង់គ្លេសកាលពីថ្ងៃទី ១៦ ខែឧសភា បានបង្ហាញថា គ្រួសារ David Beckham ជាប់ចំណាត់ថ្នាក់ទី ២៧៣ ដែលកើនឡើង ២៤ កន្លែង បើធៀបនឹងឆ្នាំមុន។ អតីតកីឡាកររូបនេះ និង​ភរិយា​ បាន​ចូល​ក្នុង​បញ្ជី​ដំបូង​ក្នុង​ឆ្នាំ ២០០២ ជាមួយ​នឹង​ទ្រព្យសម្បត្តិ ៣៥ លាន​ផោន។

ឥឡូវនេះ ទ្រព្យសម្បត្តិរួមរបស់ប្តីប្រពន្ធមួយគូនេះ ត្រូវបានគេប៉ាន់ស្មាន ថាមានចំនួន ៥០០ លានផោន ដែលជាការកើនឡើងគួរឱ្យកត់សម្គាល់កាលពីឆ្នាំមុន។ ទ្រព្យសម្បត្តិរបស់អ្នកទាំងពីរ ត្រូវបានគេកំណត់ថា បានកើនឡើង ៤៥ លានផោន នៅចន្លោះឆ្នាំ ២០២៤ និង ២០២៥ ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ