Lisa ចេញមកដើរលេងជាមួយសង្សារកូនមហាសេដ្ឋី Frederic យ៉ាងផ្អែមនៅ អ៊ីតាលី

កម្សាន្ត៖ ដូចដែលប្រិយមិត្តបានជ្រាបហើយថា Lisa ដែលជាសមាជិកក្រុមចម្រៀងនារី BLACKPINK គឺជាតារាចម្រៀងស្រីដ៏មានឥទ្ធិពល ដោយនាងមានអ្នកគាំទ្រច្រើនលើសលប់ ហើយអ្នកគាំទ្រតែងតែចង់ដឹងពីរឿងរ៉ាវផ្ទាល់ខ្លួនរបស់នាង ក្រោយឆាកតន្ត្រីផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អស់រយៈពេលជិតពីរឆ្នាំទៅហើយដែល Lisa មានពាក្យចចាមអារ៉ាមថាបានទាក់ទងគ្នាជាមួយនឹងលោក Frederic Arnault ជាកូនប្រុសរបស់មហាសេដ្ឋីស្ដុកស្ដម្ភគឺលោក Bernard Arnault ដោយកន្លងមក មានរូបភាពបែកធ្លាយ ពីអ្នកទាំងពីរបានទៅដើរលេងជាមួយគ្នាជាច្រើនហើយ Lisa ក៏ធ្លាប់ត្រូវគេប្រទះឃើញថាបានដើរលេងជាមួយក្រុមគ្រួសាររបស់ Frederic ផងដែរ។

ថ្មីៗនេះ មានរូបភាពមួយបានបែកធ្លាយគឺ Lisa បានទៅកម្សាន្តជាមួយនឹង Frederic នៅឯកោះស៊ីស៊ីលី ប្រទេសអ៊ីតាលី។ នៅក្នុងរូបភាពនោះ គេឃើញ Lisa ស្លៀកពាក់ឈុតអាវនិងសំពត់ពណ៌លឿងទុំ ខណៈ Frederic ស្លៀកខោរាងពណ៌ទឹកដោះគោនិងអាវយឺតពណ៌ស ហើយអ្នកទាំងពីរបានអង្គុយញ៉ាំអាហារថ្ងៃត្រង់នៅមាត់ឆ្នេរ មើលទៅពិតជារ៉ូមេនទិកនិងស្និទ្ធស្នាលខ្លាំងណាស់ ដែលកាន់តែបញ្ជាក់ឲ្យអ្នកគាំទ្របានដឹងថា ទំនាក់ទំនងពួកគេពុំមែនត្រឹមជាមិត្តធម្មតាទេ គឺចូលដល់ដំណាក់កាលស្នេហា គ្រាន់តែមិនមានការបញ្ជាក់ជាផ្លូវការណាមួយ៕

ប្រភព៖: allkpop

• រូបភាព
• តារាថៃ
• តារាកូរ៉េ