លេងពីរឈុតនេះ Han So Hee ចែងចាំងដូចព្រះនាងម្ចាស់ លើកម្រាលព្រំ Cannes

កម្សាន្ត៖ Han So Hee គឺជាតារាសម្ដែងស្រីល្បីឈ្មោះប្រចាំប្រទេសកូរ៉េ ដែលលេចធ្លោខ្លាំងណាស់នាពេលបច្ចុប្បន្នហើយទោះបីកន្លងមក នាងមានរឿងអាស្រូវជាមួយនឹងអតីតមិត្តប្រុសរបស់នាងក៏ដោយ ក៏កេរ្តិ៍ឈ្មោះរបស់នាងនៅតែល្បីល្បាញក្នុងស្រទាប់មហាជន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ So Hee បានទទួលកិត្តិយសត្រូវគេអញ្ជើញទៅចូលរួមមហោស្រពភាពយន្ត Cannes Film Festival លើកទី៧៨ នៅឯទីក្រុងកាន ប្រទេសបារាំង គឺកម្មវិធីដើរលើកម្រាលព្រំក្រហមធ្វើឡើងនាថ្ងៃទី១៩ខែឧសភាកន្លងទៅនេះ។

ក្នុងនោះ So Hee បានចេញមកបង្អួតសម្រស់ក្នុងរ៉ូបពណ៌សបរិសុទ្ធស្រស់ស្អាតដូចព្រះនាងជារ៉ូបរបៀបចោមពុង និងមានសណ្ឋានប៉ោងនៅខាងក្រោម ព្រមទាំងទម្លាក់សក់ពណ៌ខ្មៅដ៏ត្រង់ស្អាតរបស់នាងបែបពុះកណ្ដាលហើយនាងបានបន្ថែមសម្រស់ជាមួយនឹងឈុតគ្រឿងអលង្ការដ៏ចែងចាំងផងដែរ។

លើសពីនេះទៅទៀត So Hee ក៏បានឆ្លៀតបង្ហាញខ្លួនកាលពីថ្ងៃទី១៨ខែឧសភា នៅ Kering Women In Motion Awards ឆ្នាំ២០២៥ ដោយបានស្លៀករ៉ូបពណ៌ខ្មៅ ដៃតូច សាច់រលោងនិងស្បែៗ យ៉ាងស្រស់ស្អាត ដោយបានបញ្ចេញរាងរៅដ៏ស្រឡៅស្រឡូនរបស់នាងផងដែរ៕

ប្រភព៖: allkpop

• រូបភាព
• តារាកូរ៉េ