កម្សាន្ត៖ អ្នកជំនួញ លោក Wang Xiaofei ដែលត្រូវបានគេស្គាល់ថា ជាអតីតស្វាមីរបស់តារាសម្តែងស្រី Barbie Hsu បានបង្ហោះសារអរគុណចំពោះភរិយាថ្មី ប៉ុន្តែចេតនាទាំងអស់របស់លោក ត្រូវបានគេប្រៀបធៀបទៅនឹងអតីតភរិយា។
រយៈពេលបីថ្ងៃក្រោយពីការរៀបការ អ្នកជំនួញ Wang Xiaofei បានបង្ហោះលើបណ្តាញសង្គម ដើម្បីអរគុណដល់ភរិយារបស់លោក គឺ Mandy Ma Xiaomei។ អ្នកជំនួញរូបនេះ បាននិយាយថា «អរគុណដែលស្រលាញ់ទីក្រុងប៉េកាំង ផឹកម៉ៅតៃ(Maotai) អត់ទ្រាំនឹងកំហឹងរបស់ខ្ញុំ និងសម្របតាមមិត្តភ័ក្ដិខ្ញុំ»។
បន្ទាប់ពីបានឃើញបែបនេះ មនុស្សជាច្រើន មានការភ្ញាក់ផ្អើលចំពោះ ការអរគុណ របស់ Wang Xiaofei។ ខណៈមានទស្សនិកជនម្នាក់បានបញ្ចេញមតិថា បើទោះជាអ្នកជំនួញរូបនេះ មិននិយាយពីអតីតភរិយា ប៉ុន្តែចេតនាទាំងអស់ គឺទាក់ទងនឹងអតីតភរិយា។
ជាច្រើនឆ្នាំមុន ពេលចូលរួមក្នុងកម្មវិធីទូរទស្សន៍មួយ Barbie Hsu បានបង្ហើបថា នាងមិនសាកសមនឹងជីវិត ឬមុខម្ហូប នៅស្រុកកំណើតរបស់ប្តីនាងនោះទេ។ នាងធ្លាប់បានចែករំលែកថា «សាច់ចៀមដែល Wang Xiaofei បរិភោគ ធ្វើឱ្យគ្រួសារទាំងមូលមានក្លិន ។ ខ្ញុំមិនចូលចិត្តញ៉ាំវាទេ ហើយក្នុងមួយសប្តាហ៍ ខ្ញុំអាចស្រកបាន ៣ គីឡូក្រាម» ។
នៅពេលដែល នាងក្លាយជាកូនប្រសា នៅទីក្រុងប៉េកាំង Barbie Hsu បានសារភាពថា អាកាសធាតុមិនសមសម្រាប់នាង ដែលបណ្តាលឱ្យនាងមានច្រមុះស្ងួត ពិបាកដកដង្ហើម ហើយជារឿយៗ ត្រូវបើកម៉ាស៊ីនសំណើម នេះបើយោងតាម ប្រភព 163 ។
ផ្ទុយទៅវិញ Ma Xiaomei ដែលជាភរិយាថ្មីថ្មោង របស់ Wang Xiaofei ចូលចិត្តម្ហូបប៉េកាំង។ នាងថែមទាំងបាននិយាយនៅក្នុងការផ្សាយផ្ទាល់ថា នាងចូលចិត្តគ្រាប់ពូជ cumin ជាពិសេស។ Wang Xiaofei ឈរក្បែរនាង បានសរសើរនាងថា ជាកូនប្រសារបស់ក្រុងប៉េកាំង។ នាងចូលចិត្តផឹកស្រាក្រហម ចំណែកប្តីចូលចិត្តម៉ៅតៃ។
Ma Xiaomei អាចស្របនឹងអាកាសធាតុទីក្រុងប៉េកាំង បើទោះបីជា នាងមានដើមកំណើតតៃវ៉ាន់ក៏ដោយ។ នាងក៏ប្រាស្រ័យទាក់ទងជាមួយមិត្តភ័ក្តិរបស់ស្វាមីនាង ដោយភាពស្និទ្ធស្នាល ខណៈដែល Barbie Hsu កម្របានជួបមិត្តភ័ក្តិពីមុនណាស់។
នៅក្នុងការបង្ហោះរបស់ Wang Xiaofei ក៏បានថ្លែងអំណរគុណដល់ភរិយាថ្មី សម្រាប់ការទទួលយកបុគ្គលិកលក្ខណៈដ៏លំបាករបស់ខ្លួន។ ខណៈកាលពីក្នុងអាពាហ៍ពិពាហ៍ដំបូង លោក និង Barbie មានជម្លោះ ជួនកាលជេរស្តីបន្ទោសគ្នាយ៉ាងខ្លាំង។ ទន្ទឹមនឹង Ma Xiaomei តែងតែជួយទប់កំហឹងរបស់ Wang Xiaofei យ៉ាងទន់ភ្លន់។
យ៉ាងណាមិញ បន្ទាប់ពីការបង្ហោះ អរគុណប្រពន្ធ របស់ Wang Xiaofei មានមនុស្សជាច្រើនបានរិះគន់ និងបន្ទោសរូបលោកថា «Barbie Hsu លែងមានទៀតហើយ វាគួរឱ្យខ្លាចដែលអ្នកនៅតែចំអកឱ្យនាង អ្នកអាចអរគុណដៃគូបច្ចុប្បន្នរបស់អ្នក ប៉ុន្តែអ្នកមិនចាំបាច់ដេញតាមស្រមោលអតីតរបស់អ្នក ដើម្បីផ្តល់កិត្តិយសដល់សុភមង្គលបច្ចុប្បន្នរបស់អ្នកនោះទេ»។ ជាពិសេស ទស្សនិកជនមួយចំនួនបាននិយាយថា អ្នកជំនួញរូបនេះ គ្មានបេះដូងចំពោះអតីតភរិយា ខណៈ ប្រឈមមុខនឹងការរិះគន់ លោក Wang Xiaofei បាននៅស្ងៀម មិនតបតអ្វីឡើយ៕
ប្រភព៖ Ngoisao.net
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
