លេចឮថា Rosé លួចណាត់ចួបជាមួយតារាប្រុសរូបនេះ នៅញ៉ូវយ៉ក

កម្សាន្ត៖ មានពាក្យចចាមអារ៉ាមមួយបានផ្ទុះឡើងថា Roséដែលជាតារាចម្រៀងសំឡេងក្រអៅក្រអួន ប្រចាំក្រុមចម្រៀងនារី BLACKPINK បានមានទំនាក់ទំនងស្នេហាជាមួយនឹង តារាសម្ដែងប្រុស Evan Mock ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នេះមិនមែនជាលើកទីមួយទេដែលពាក្យចចាមអារ៉ាមនេះបានផ្ទុះឡើង ដោយសារកន្លងមក Rosé និង Evan ដែលជាតារាប្រុសតួអង្គសម្ដែងក្នុងបទ "Toxic Till The End" របស់នាង ហាក់បង្ហាញរូបថតស្និទ្ធស្នាលជាច្រើនជាមួយគ្នា ហើយអ្នកទាំងពីរក៏ធ្លាប់ចេញទៅដើរលេងជាមួយគ្នាផងដែរ។

អ្នកគាំទ្រមួយចំនួននាំគ្នាសន្និដ្ឋានបែបនេះ ក្រោយពេលឃើញថា Rosé ធ្វើដំណើរមកទីក្រុងញ៉ូវយ៉ក សហរដ្ឋអាមេរិក ញឹកញាប់ ដែលជាកន្លែង Evan Mock រស់នៅ ហើយទោះខាងភ្នាក់ងាររបស់ Rosé ពុំទាន់មានបង្ហើបកាលវិភាគណាមួយក៏ដោយក៏អ្នកគាំទ្រជឿថា ដំណើរកម្សាន្តនេះមើលទៅដូចមិនពាក់ព័ន្ធនឹងរឿងការងារឡើយ គឺទំនងជារឿងផ្ទាល់ខ្លួនច្រើនជាង។

យ៉ាងណាមិញ មតិអ្នកគាំទ្រមួយចំនួនទៀតបានអះអាងថា Rosé គ្រាន់តែមានការងារនៅទីនោះប៉ុណ្ណោះ ហើយនាងពុំបានទាក់ទងគ្នាជាមួយ Evan Mock នោះឡើយ៕

ប្រភព៖: allkpop

• រូបភាព
• តារាកូរ៉េ