ព្រះសង្ឃជាង១០អង្គ និងយាយជី២នាក់ បានពុលក្រោយពីដកផ្សិតមួយប្រភេទ...មកធ្វើជាចង្ហាន់ថ្ងៃត្រង់

ព្រះសង្ឃ១០អង្គ និងដូនជីពីរនាក់ មកពីវត្តចន្ទគីរី ឃុំល្វាក្រាំង ស្រុកវ៉ារិន ខេត្តសៀមរាប ត្រូវបានពុល បន្ទាប់ពីបរិភោគគេជឿថាជា «ផ្សិតឫស្សី» ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លោក ធិន វិធួ អភិបាលស្រុកវ៉ារិន មានប្រសាសន៍ថា ព្រះសង្ឃគង់នៅវិហារហើយបានឃើញផ្សិតឬស្សីដុះល្អ ហើយក៏ដកយកទៅអោយយាយៗធ្វើចង្ហាន់ថ្ងៃត្រង់។

លោក វិធួ បាននិយាយកាលពីម្សិលមិញថា៖ «បន្ទាប់ពីឆាន់ផ្សិតឆ្អិនហើយ ព្រះសង្ឃ និងដូនជីចាប់ផ្តើមក្អួត​ដែលបានសង្ស័យថាជាការពុលផ្សិត។

លោកបានថ្លែងថា៖ បន្ទាប់ពីព្រះសង្ឃនិងដូនជីត្រូវបានបញ្ជូនទៅមណ្ឌលសុខភាពដើម្បីព្យាបាល ហើយនៅរសៀលថ្ងៃដដែលនោះ ព្រះអង្គបានធូរស្បើយនឹងត្រឡប់ទៅព្រះវិហារវិញ។

លោក វី ធូ បានបញ្ជាក់ថា ការពិនិត្យសុខភាពបង្ហាញថា ព្រះសង្ឃ និងដូនជីបានបរិភោគផ្សិតពុល ដែលជាផ្សិតតែងដុះពន្លកតាមព្រៃនិងភូមិក្នុងរដូវវស្សា។

លោកបានព្រមានថា ពួកវាខ្លះមានជាតិពុល ហើយមិនគួរទទួលទានឡើយលោកបានបន្តថា៖ «ខ្ញុំសូមណែនាំឲ្យប្រជាពលរដ្ឋពិនិត្យផ្សិតឲ្យបានច្បាស់ថាវាមិនមានជាតិពុលមុននឹងយកវាទៅបរិភោគ»។

• រូបភាព