កម្សាន្ត៖ កាលពីពេលថ្មីៗនេះ តារាខ្មែរ ដែលមានកេរ្តិ៍ឈ្មោះល្បីល្បាញជាច្រើនដួង បាននាំគ្នាបរិច្ចាគទឹកប្រាក់រាប់ពាន់ដុល្លារ ដើម្បីជួយដល់បងប្អូនទាហានខ្មែរ ដែលឈរជើងការពារទឹកដីនៅព្រំដែន កម្ពុជា-ថៃ។ នៅក្នុងនោះ មានដូចជា អ្នកនាង ឡុង ម៉ានីន បានបរិច្ចាគទឹកប្រាក់ច្រើនជាងគេគឺ ១ម៉ឺនដុល្លារអាមេរិក តារាចម្រៀងថេណា ចំនួន៣ពាន់ដុល្លារ និងតារាល្បីៗជាច្រននាក់ទៀត។
គួរបញ្ជាក់ដែរថា ទាហានខ្មែរម្នាក់ បានបាត់បង់ជីវិតក្នុងករណីប៉ះទង្គិចគ្នារវាងកងទាហានខ្មែរ និងថៃ ដែលពួកទាហានថៃលួចឆ្មក់បាញ់ទាហានខ្មែរយើង។ ក្នុងការបូជាជីវិតមួយនេះ ធ្វើឲ្យប្រជាជនខ្មែរយើងមានការគោរពចំពោះទាហាន ដែលមានស្មារតីស្នេហាជាតិ ជាកងទ័ពជួរមុខ ដែលចាំការពារទឹកដីខ្មែរ។
ជាមួយគ្នានេះដែរ មិនថាមហាជនខ្មែរ ឬតារាខ្មែរនោះ ម្នាក់ៗបានបរិច្ចាគថវិកា ទៅកាន់កងទាហានដែលឈរយាមការពារនៅព្រំដែនខ្មែរ-ថៃ និងទាហានដែលមានជីវភាពខ្វះខាត៕
ប្រភព និងរូបភាពពី៖ Kavei Media
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
