កម្សាន្ត៖ តារាចម្រៀងស្រី Taylor Swift បានបង្ហាញខ្លួនយ៉ាងទាក់ទាញ ស្លៀករ៉ូបផ្កាពណ៌ខៀវ ខណៈនាង និងគូស្នេហ៍ លោក Travis Kelce បានចូលរួមពិធីមង្គលការបងប្អូនជីដូនមួយ របស់ពួកគេ កាលពីថ្ងៃទី៦ ខែមិថុនា កន្លងទៅនេះ។
អ្នកគាំទ្រជាច្រើន មានការភ្ញាក់ផ្អើល នៅពេលដែលបានឃើញ តារាចម្រៀងស្រី Taylor Swift និង លោក Travis Kelce នៅក្នុងពិធីមង្គលការ នៅ Nashville កាលពីថ្ងៃសុក្រ។ អ្នកគាំទ្រម្នាក់ បានបង្ហោះរូបថតមួយសន្លឹកនៅលើ X ជាមួយនឹងចំណងជើងថា «មិនគួរឲ្យជឿ Taylor Swift នៅក្នុងពិធីមង្គលការមិត្តខ្ញុំទេ»។ នៅក្នុងរូបថត និងវីដេអូដ៏ល្បីនៅលើ TikTok តារាចម្រៀងវ័យ ៣៥ ឆ្នាំរូបនេះ មើលទៅស្រស់ស្អាតក្នុងឈុតផ្កាគ្មានខ្សែ និងស្បែកជើងកែងខ្ពស់។ យោងតាម Page Six រ៉ូបនេះ គឺមកពីម៉ាក Markarian ដែលមានតម្លៃជិត ២០០០ ដុល្លារ។
ក្នុងនោះដែរ Taylor ថែមទាំងបានលេងម៉ូតសក់របស់នាង ក្នុងម៉ូតបែបបុរាណ និងបានតុបតែងខ្លួនបែបស្រាលៗ ខណៈ Travis Kelce ពាក់អាវដៃខ្លី និងខោជើងវែង។ គូស្នេហ៍មួយគូនេះ ត្រូវបានគេឃើញរាំជាមួយគ្នាយ៉ាងរំភើប នៅក្នុងពិធីមង្គលការរបស់បងប្អូនជីដូនមួយរបស់ Travis គឺ Tanner Corum ៕
ប្រភព៖ Ngoisao.net
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
